Al-Mukhtasar · Tafsir · in Fula
يوسف
Yusuf
Joseph · Meccan · 111 ayahs
12:1Page 235
الٓرۚ تِلۡكَ ءَايَٰتُ ٱلۡكِتَٰبِ ٱلۡمُبِينِ ١
Alif, Lām, Rā.1 These are the verses of the clear Book.
Alif, laam, raa : nanndo ɗee Aayeeje jantanooma fii mun ka fuɗɗorde cortewol Albaqarah. Ɗee Aayeeje janngeteeɗe e ngol cortewol, ko jeyaaɗe e Ayeeje Alqur'aanaare ɓanngunde nden e ko nde yowondiri e mun.
12:2Page 235
إِنَّآ أَنزَلۡنَٰهُ قُرۡءَٰنًا عَرَبِيّٗا لَّعَلَّكُمۡ تَعۡقِلُونَ ٢
Indeed, We have sent it down as an Arabic Qur’ān1 that you might understand.
Menen Men jippiniriinde janngeteende e ɗemngal Aarabu, belajo'o, onon Aarabu'en, on faamaay maanaaji mayre.
12:3Page 235
نَحۡنُ نَقُصُّ عَلَيۡكَ أَحۡسَنَ ٱلۡقَصَصِ بِمَآ أَوۡحَيۡنَآ إِلَيۡكَ هَٰذَا ٱلۡقُرۡءَانَ وَإِن كُنتَ مِن قَبۡلِهِۦ لَمِنَ ٱلۡغَٰفِلِينَ ٣
We relate to you, [O Muḥammad], the best of stories in what We have revealed to you of this Qur’ān although you were, before it, among the unaware.
Menen Meɗen fillano maa an Nulaaɗo, ko ɓuri moƴƴude e fillayee, sabu goongugol ɗi e hisugol konnguɗi majji e njuɓɓudi majji, ko Men jippiniri kon ndee Alqur'aanaare e maaɗa. Hay si a laatinoke ado jippineede nde, ko a jeyaaɗo e welsindiiɓe ɓen e oo fillayee, a anndaano fii makko.
12:4Page 235
إِذۡ قَالَ يُوسُفُ لِأَبِيهِ يَٰٓأَبَتِ إِنِّي رَأَيۡتُ أَحَدَ عَشَرَ كَوۡكَبٗا وَٱلشَّمۡسَ وَٱلۡقَمَرَ رَأَيۡتُهُمۡ لِي سَٰجِدِينَ ٤
[Of these stories mention] when Joseph said to his father,1 "O my father, indeed I have seen [in a dream] eleven stars and the sun and the moon; I saw them prostrating to me."
Meɗen habre an Nulaaɗo, tuma nde Yuusufu maakannoo ben makko Yaaquuba: "Ko onon yo baaba'en, mi yi'i e koyɗol koode sappo e go'o, mi yi'i kadi naange ngen e lewru ndun; mi yi'i ɗin fow no sujjana lam. Ngol koyɗol hari ko yacciningol wewlinirde Yuusufa (yo o his).
12:5Page 236
قَالَ يَٰبُنَيَّ لَا تَقۡصُصۡ رُءۡيَاكَ عَلَىٰٓ إِخۡوَتِكَ فَيَكِيدُواْ لَكَ كَيۡدًاۖ إِنَّ ٱلشَّيۡطَٰنَ لِلۡإِنسَٰنِ عَدُوّٞ مُّبِينٞ ٥
He said, "O my son, do not relate your vision to your brothers or they will contrive against you a plan. Indeed Satan, to man, is a manifest enemy.
Annabi Yaaquuba maakani ɓiɗɗo makko on Yuusufa:Ko an yo ɓinngel am, wata a hoyɗitan musiɗɓe maa ɓen koyɗol maa ngol, sakko ɓe faama ngol, ɓe haasido maa, ɓe fewjane fewjoore haasidaaku maɓɓe. Pellet seytaane wonannde neɗɗanke ko gaño ɓannginɗo ngayngu.
12:6Page 236
وَكَذَٰلِكَ يَجۡتَبِيكَ رَبُّكَ وَيُعَلِّمُكَ مِن تَأۡوِيلِ ٱلۡأَحَادِيثِ وَيُتِمُّ نِعۡمَتَهُۥ عَلَيۡكَ وَعَلَىٰٓ ءَالِ يَعۡقُوبَ كَمَآ أَتَمَّهَا عَلَىٰٓ أَبَوَيۡكَ مِن قَبۡلُ إِبۡرَٰهِيمَ وَإِسۡحَٰقَۚ إِنَّ رَبَّكَ عَلِيمٌ حَكِيمٞ ٦
And thus will your Lord choose you and teach you the interpretation of narratives [i.e., events or dreams] and complete His favor upon you and upon the family of Jacob, as He completed it upon your fathers before, Abraham and Isaac. Indeed, your Lord is Knowing and Wise."
Ko wano yiiru-ɗaa ɗin koyɗi non, Joomi maa an Yuusufa suɓoray maa, O anndine firo koyɗi, O timmina neema Annabaaku ngun e maaɗa, wano O timminira mo e baabiraaɓe maa ɓen ɗiɗo ado maaɗa: Ibraahiima e Ishaaqa. Pellet Joomi maa ko Annduɗo tagu Makko ngun, Ñeeñuɗo e yiilde mbo.
12:7Page 236
۞ لَّقَدۡ كَانَ فِي يُوسُفَ وَإِخۡوَتِهِۦٓ ءَايَٰتٞ لِّلسَّآئِلِينَ ٧
Certainly were there in Joseph and his brothers signs for those who ask, [such as]
Gomɗii wonii e kabaaru Yuusufa on e musiɗɓe makko ɓen, taskuyeeji e waajuuji wonannde lanndotooɓe fii maɓɓe ɓen.
12:8Page 236
إِذۡ قَالُواْ لَيُوسُفُ وَأَخُوهُ أَحَبُّ إِلَىٰٓ أَبِينَا مِنَّا وَنَحۡنُ عُصۡبَةٌ إِنَّ أَبَانَا لَفِي ضَلَٰلٖ مُّبِينٍ ٨
When they said, "Joseph and his brother1 are more beloved to our father than we, while we are a clan. Indeed, our father is in clear error.
Tuma nde musiɗɓe makko ɓen wi'unoo hakkunde maɓɓe: "Pellet Ko Yuusufa e neene-gooto maun ɓuraa yiɗeede ka ben-men dii enen, enen le ko en jamaa ɗuuɗuɓe limoore, ko honno ɓe ɓurdinirta ɓe e dow meeɗen? Menen men yi'ii baaba'en e faljere ɓanngunde, tuma ɓe ɓurdinnoo ɓeya ɗiɗo e dow amen ko aldaa e sabu feeñuɗo.
12:9Page 236
ٱقۡتُلُواْ يُوسُفَ أَوِ ٱطۡرَحُوهُ أَرۡضٗا يَخۡلُ لَكُمۡ وَجۡهُ أَبِيكُمۡ وَتَكُونُواْ مِنۢ بَعۡدِهِۦ قَوۡمٗا صَٰلِحِينَ ٩
Kill Joseph or cast him out to [another] land; the countenance [i.e., attention] of your father will [then] be only for you, and you will be after that a righteous people."1
Waree Yuusufa maa feroɗon mo e leydi woɗɗundi; yeeso ben mon ngon heeranoo on, ɓe yiɗa on giggol timmungol, wonton ɓaawo ɗen kuuɗe mon- warugol mo maa feragol mon- ɗon yimɓe moƴƴuɓe, si on tuubi e junuubi mon ɗin.
12:10Page 236
قَالَ قَآئِلٞ مِّنۡهُمۡ لَا تَقۡتُلُواْ يُوسُفَ وَأَلۡقُوهُ فِي غَيَٰبَتِ ٱلۡجُبِّ يَلۡتَقِطۡهُ بَعۡضُ ٱلسَّيَّارَةِ إِن كُنتُمۡ فَٰعِلِينَ ١٠
Said a speaker among them, "Do not kill Joseph but throw him into the bottom of the well; some travelers will pick him up - if you would do [something]."
Gooto e musiɗɓe makko ɓen wi'i: Wata on waru Yuusufa, on wedduto mo ka niɓe woyndu yoga e seteeɓe rewooɓe ɗon ɓen hocca-mo. Ko ɗum ɓuri newaade diini warugol mo ngol, si on laatike siinuɓe e ko wi'uɗon fii makko kon.
12:11Page 236
قَالُواْ يَٰٓأَبَانَا مَا لَكَ لَا تَأۡمَ۬نَّا عَلَىٰ يُوسُفَ وَإِنَّا لَهُۥ لَنَٰصِحُونَ ١١
They said, "O our father, why do you not entrust us with Joseph while indeed, we are to him sincere counselors?
Nde ɓe fottanno pottingol mo, ɓe wi'ani ben maɓɓe Yaaquuba: Ko an yo ben amen, ko heɓu-maa a hoolotaako men e fii Yuusufa? Menen le ko men yurmeteeɓe mo, meɗen reena mo e ko lorrota mo, ko men laaɓanooɓe mo reenooɓe mo haa o ruttora kaa maaɗa kisal. Ko haɗata maa acciditah mo e amen?
12:12Page 236
أَرۡسِلۡهُ مَعَنَا غَدٗا يَرۡتَعۡ وَيَلۡعَبۡ وَإِنَّا لَهُۥ لَحَٰفِظُونَ ١٢
Send him with us tomorrow that he may eat well and play. And indeed, we will be his guardians."
Newnan-men yaltidugol e makko janngo, o ñaama, o fija. Menen ko men reenooɓe mo e kala lorra memoowo mo.
12:13Page 236
قَالَ إِنِّي لَيَحۡزُنُنِيٓ أَن تَذۡهَبُواْ بِهِۦ وَأَخَافُ أَن يَأۡكُلَهُ ٱلذِّئۡبُ وَأَنتُمۡ عَنۡهُ غَٰفِلُونَ ١٣
[Jacob] said, "Indeed, it saddens me that you should take him, and I fear that a wolf would eat him while you are of him unaware."
Annabi Yaaquuba maakani ɓiɗɓe makko ɓen: Min no sunina lam nde yahdoton e makko; tawde mi muññotaako sertugol e makko, miɗo hulani mo wata saafaandu(boyeeru) ñaamu-mo ka welsindor-ɗon e makko ñaamugol e fija.
12:14Page 236
قَالُواْ لَئِنۡ أَكَلَهُ ٱلذِّئۡبُ وَنَحۡنُ عُصۡبَةٌ إِنَّآ إِذٗا لَّخَٰسِرُونَ ١٤
They said, "If a wolf should eat him while we are a [strong] clan, indeed, we would then be losers."
Ɓe wi'ani baaben maɓɓe: Pellet si saafaandu ñaamii Yuusufa e hoore ko men jamaa ɗuuɗuɓe, haray ontuma ko men hayruɓe ɓe moƴƴere alah e mu'un; tawde men haɗaali ndu e makko.
12:15Page 237
فَلَمَّا ذَهَبُواْ بِهِۦ وَأَجۡمَعُوٓاْ أَن يَجۡعَلُوهُ فِي غَيَٰبَتِ ٱلۡجُبِّۚ وَأَوۡحَيۡنَآ إِلَيۡهِ لَتُنَبِّئَنَّهُم بِأَمۡرِهِمۡ هَٰذَا وَهُمۡ لَا يَشۡعُرُونَ ١٥
So when they took him [out] and agreed to put him into the bottom of the well...1 But We inspired to him, "You will surely inform them [someday] about this affair of theirs while they do not perceive [your identity]."
Annabi Yaaquuba acci ɓe yaltidi e makko. Nde ɓe yahunoo e makko ka woɗɗi, ɓe fottani bugagol mo ka niɓe woyndu, Men wahayini e Yuusufa ontunma: Ma a yeetoyoɓe ɗee kuuɗe maɓɓe hara ɓe so'aa anndude tuma yeetitoto-ɗaaɓe ɗum.
12:16Page 237
وَجَآءُوٓ أَبَاهُمۡ عِشَآءٗ يَبۡكُونَ ١٦
And they came to their father at night, weeping.
Baaba gootooɓe Yuusufa ɓen arti ka ben maɓɓe kiikiiɗe hiɓe woykinoo majjintina hodo maɓɓe o.
12:17Page 237
قَالُواْ يَٰٓأَبَانَآ إِنَّا ذَهَبۡنَا نَسۡتَبِقُ وَتَرَكۡنَا يُوسُفَ عِندَ مَتَٰعِنَا فَأَكَلَهُ ٱلذِّئۡبُۖ وَمَآ أَنتَ بِمُؤۡمِنٖ لَّنَا وَلَوۡ كُنَّا صَٰدِقِينَ ١٧
They said, "O our father, indeed we went racing each other and left Joseph with our possessions, and a wolf ate him. But you would not believe us, even if we were truthful."
Ɓe wi'i: Ko an yo baaben amen, menen men yehii meɗen adodnira e dogugol bugoo ndaga, men acci Yuusufa ka comci amen e ka njooɓa amen ko aynana men; saafaandu ndun ñaami mo. A goongintaa men non, hay si tawii ko men goonguɓe e ko men humpitu maa kon.
12:18Page 237
وَجَآءُو عَلَىٰ قَمِيصِهِۦ بِدَمٖ كَذِبٖۚ قَالَ بَلۡ سَوَّلَتۡ لَكُمۡ أَنفُسُكُمۡ أَمۡرٗاۖ فَصَبۡرٞ جَمِيلٞۖ وَٱللَّهُ ٱلۡمُسۡتَعَانُ عَلَىٰ مَا تَصِفُونَ ١٨
And they brought upon his shirt false blood.1 [Jacob] said, "Rather, your souls have enticed you to something, so patience is most fitting. And Allāh is the one sought for help against that which you describe."
Ɓe teŋtiniri fewjoore maɓɓe nden ƴoyre: ɓe ardi e dolokke Yuusufa on hino moddiniraa ƴiiƴam goo, ƴaaƴorgol ɗum batte ko saafaandu(boyeeru) ndun ñaami mo kon. Kono Annabi Yaaquuba gelorii fenaande nden ko tawi ko dolokke on seekaaki, o maakani ɓe: Wanah no siforiɗon non woniri. Ko woni goonga, ko wonkiiji mon ɗin cuɗinanii on fiyaaku bonɗo, huuwuɗon mo. Fiyaaku am on non min, ko muñal moƴƴal e ɗum. Ko Alla woni wallinorɗo e ko sifiɗon kon fii Yuusufa.
12:19Page 237
وَجَآءَتۡ سَيَّارَةٞ فَأَرۡسَلُواْ وَارِدَهُمۡ فَأَدۡلَىٰ دَلۡوَهُۥۖ قَالَ يَٰبُشۡرَىٰ هَٰذَا غُلَٰمٞۚ وَأَسَرُّوهُ بِضَٰعَةٗۚ وَٱللَّهُ عَلِيمُۢ بِمَا يَعۡمَلُونَ ١٩
And there came a company of travelers; then they sent their water drawer, and he let down his bucket. He said, "Good news! Here is a boy." And they concealed him, [taking him] as merchandise;1 and Allāh was Knowing of what they did.
Seteeɓe ari, ɓe nuli ko ƴoogana ɓe ndiyam, on jippini baagal makko ngal ka woyndu, Yuusufa nanngi ɓoggol ngol. Nde ƴoogoowo on yi'unoo mo, o weltii o wi'i: Ee welo-welo am! E hino paykum! Ɓen arɓe ƴoogugol suuɗi mo e seteeɓe heddiiɓe ɓen, sikkugol ko o keyee(marsandiis) mo ɓe waawata yeeyude. Alla non no anndi ko ɓe waɗata kon Yuusufa e fii suuɗugol yeeya. huunde suuɗaaki Mo e golle maɓɓe ɗen.
12:20Page 237
وَشَرَوۡهُ بِثَمَنِۭ بَخۡسٖ دَرَٰهِمَ مَعۡدُودَةٖ وَكَانُواْ فِيهِ مِنَ ٱلزَّٰهِدِينَ ٢٠
And they sold him for a reduced price - a few dirhams - and they were, concerning him, of those content with little.
Ƴoogoynooɗo on e wondiiɓe makko ɓen yeeyiroyi mo Misra coggel famɗungel: ngel woni dirhamu-woy limotoo-koy. Ɓe woni welsindoriiɓe e makko sabu hittingol no ɓe ɓoortondira e makko ka yaawi; tawde ɓe anndii wanaa o maccuɗo, ɓe hulani ko'e maɓɓe e yimɓe makko ɓen. Ɗum ko hattirde e yurmeende Alla nden e makko, fii wata ɓe neeɓidu e makko.
12:21Page 237
وَقَالَ ٱلَّذِي ٱشۡتَرَىٰهُ مِن مِّصۡرَ لِٱمۡرَأَتِهِۦٓ أَكۡرِمِي مَثۡوَىٰهُ عَسَىٰٓ أَن يَنفَعَنَآ أَوۡ نَتَّخِذَهُۥ وَلَدٗاۚ وَكَذَٰلِكَ مَكَّنَّا لِيُوسُفَ فِي ٱلۡأَرۡضِ وَلِنُعَلِّمَهُۥ مِن تَأۡوِيلِ ٱلۡأَحَادِيثِۚ وَٱللَّهُ غَالِبٌ عَلَىٰٓ أَمۡرِهِۦ وَلَٰكِنَّ أَكۡثَرَ ٱلنَّاسِ لَا يَعۡلَمُونَ ٢١
And the one from Egypt1 who bought him said to his wife, "Make his residence comfortable. Perhaps he will benefit us, or we will adopt him as a son." And thus, We established Joseph in the land that We might teach him the interpretation of events [i.e., dreams]. And Allāh is predominant over His affair, but most of the people do not know.
Gorko sooduɗo mo on Misra wi'ani ɓeyngu makko: Teddin jipporde makko nden, moƴƴo-ɗaa e makko; hino gasa ka o nafira en wallitorgol en yoga e golleeji men maa jogitoɗen mo ɓiɗɗo ne'eteeɗo. Ko wano Men daɗndiri non Yuusufa e maayde, Men yaltini mo ka woyndu, Men humindiri ɓernde gorko on e makko; ko non kadi Men hoɗniri mo Misra fii yo Men anndin mo firo koyɗi. Alla non ko fooluɗo e fiyaaku makko on: ɗum ko laatotooɗum, alah firtinoowo Mo. Kono ɓurɓe ɗuuɗuɓe e yimɓe ɓen -woni heeferɓe ɓen- anaadah ɗum.
12:22Page 237
وَلَمَّا بَلَغَ أَشُدَّهُۥٓ ءَاتَيۡنَٰهُ حُكۡمٗا وَعِلۡمٗاۚ وَكَذَٰلِكَ نَجۡزِي ٱلۡمُحۡسِنِينَ ٢٢
And when he [i.e., Joseph] reached maturity, We gave him judgement and knowledge. And thus We reward the doers of good.
Nde Yuusufa yottinoo sagatalaaku makko ngun, Men okki mo faamu e anndal. Ko wano ndii njoɓdi ɗon Men yoɓirta moƴƴinooɓe ɓen ka rewugol Alla.
12:23Page 238
وَرَٰوَدَتۡهُ ٱلَّتِي هُوَ فِي بَيۡتِهَا عَن نَّفۡسِهِۦ وَغَلَّقَتِ ٱلۡأَبۡوَٰبَ وَقَالَتۡ هَيۡتَ لَكَۚ قَالَ مَعَاذَ ٱللَّهِۖ إِنَّهُۥ رَبِّيٓ أَحۡسَنَ مَثۡوَايَۖ إِنَّهُۥ لَا يُفۡلِحُ ٱلظَّٰلِمُونَ ٢٣
And she, in whose house he was, sought to seduce him. She closed the doors and said, "Come, you." He said, "[I seek] the refuge of Allāh. Indeed, he1 is my master, who has made good my residence. Indeed, wrongdoers will not succeed."
Debbo laamɗo on ɗaɓɓiri Yuusufa e newaare fii fijirde. O soki baafe ɗen no ɓe yeewra, o wi'i: "Aru e am!" Yuusufu maaki: "Mi moolorii Alla e ko noddataa lam e mun kon. Pellet Jeyɗo lam on moƴƴinii weerde am nde ka makko, mi janfotaako mo. Si mi janfike mo, haray mi tooñii. Pellet tooñooɓe ɓen maletaake.
12:24Page 238
وَلَقَدۡ هَمَّتۡ بِهِۦۖ وَهَمَّ بِهَا لَوۡلَآ أَن رَّءَا بُرۡهَٰنَ رَبِّهِۦۚ كَذَٰلِكَ لِنَصۡرِفَ عَنۡهُ ٱلسُّوٓءَ وَٱلۡفَحۡشَآءَۚ إِنَّهُۥ مِنۡ عِبَادِنَا ٱلۡمُخۡلَصِينَ ٢٤
And she certainly determined [to seduce] him, and he would have inclined to her had he not seen the proof [i.e., sign] of his Lord. And thus [it was] that We should avert from him evil and immorality. Indeed, he was of Our chosen servants.
Gomɗii debbo on himmirii waɗugol faahisaaku ngun. Ɗum kadi ari e miijo oya si wanaano o yi'ii e Aayeeje Alla ɗen ko haɗata mo e ɗum woɗɗina mo e mun. Men hollirii mo ɗe fii no Men yiltira mo e bone, Men woɗɗindina mo e jeeno e jenfa. Pellet Yuusufa ko jeyaaɗo e jeyaaɓe amen suɓiraaɓe Nulal e Annabaaku.
12:25Page 238
وَٱسۡتَبَقَا ٱلۡبَابَ وَقَدَّتۡ قَمِيصَهُۥ مِن دُبُرٖ وَأَلۡفَيَا سَيِّدَهَا لَدَا ٱلۡبَابِۚ قَالَتۡ مَا جَزَآءُ مَنۡ أَرَادَ بِأَهۡلِكَ سُوٓءًا إِلَّآ أَن يُسۡجَنَ أَوۡ عَذَابٌ أَلِيمٞ ٢٥
And they both raced to the door, and she tore his shirt from the back, and they found her husband at the door. She said, "What is the recompense of one who intended evil for your wife but that he be imprisoned or a painful punishment?"
Ɓe ɗiɗo kala ɓe adondiri ka baafal: Yuusufa hari ko no daɗndira hoore-mun, debbo on kan ko fii haɗugol mo yaltugol. O nanngi dolokke makko fii wata o yaltu, o seekiri mo ɓaawo. Ɓe tawi moodi makko ka baafal. Debbo on wowlirani moodi mun ƴoƴre: Lepte alanaa on faalanaaɗo ɓeyngu maa bonki si wanaa kaso maa o leptiree lepte muusuɗe.
12:26Page 238
قَالَ هِيَ رَٰوَدَتۡنِي عَن نَّفۡسِيۚ وَشَهِدَ شَاهِدٞ مِّنۡ أَهۡلِهَآ إِن كَانَ قَمِيصُهُۥ قُدَّ مِن قُبُلٖ فَصَدَقَتۡ وَهُوَ مِنَ ٱلۡكَٰذِبِينَ ٢٦
[Joseph] said, "It was she who sought to seduce me." And a witness from her family testified, "If his shirt is torn from the front, then she has told the truth, and he is of the liars.
Yuusufa maaki: Ko kanko ɗaɓɓiri lam bonki, mi jaɓanaali mo. Alla waɗi suko jeyaakun e yimɓe debbo on wowli ka tiggu, ko seedorii wiide: Si tawii dolokke Yuusufa on o yeeso seekiraa, ɗum hollii haray debbo on goongii; tawde hari o salantono mo woni, kanko gorko on hray o fenay.
12:27Page 238
وَإِن كَانَ قَمِيصُهُۥ قُدَّ مِن دُبُرٖ فَكَذَبَتۡ وَهُوَ مِنَ ٱلصَّٰدِقِينَ ٢٧
But if his shirt is torn from the back, then she has lied, and he is of the truthful."
Si tawii non dolokke makko on ko ɓaawo seekiraa, ɗum hollii haray gorko on goongii; tawde haray ko debbo wonunoo ɗaɓɓirde mo bone, kanko himo dogude mo, debbo on ko fenuɗo.
12:28Page 238
فَلَمَّا رَءَا قَمِيصَهُۥ قُدَّ مِن دُبُرٖ قَالَ إِنَّهُۥ مِن كَيۡدِكُنَّۖ إِنَّ كَيۡدَكُنَّ عَظِيمٞ ٢٨
So when he [i.e., her husband] saw his shirt torn from the back, he said, "Indeed, it is of your [i.e., women's] plan. Indeed, your plan is great [i.e., vehement].
Nde moodi makko yi'unoo dolokke Yuusufa on ko vaawo seekiraa, o yananaa e goonga Yuusufa kan, o wi': Ngol tukkugol maa ɗoo ko jeyaaɗum e pewje mon, onon rewɓe ɓen. Pellet pewje mon ɗen ko tiiɗuɗe.
12:29Page 238
يُوسُفُ أَعۡرِضۡ عَنۡ هَٰذَاۚ وَٱسۡتَغۡفِرِي لِذَنۢبِكِۖ إِنَّكِ كُنتِ مِنَ ٱلۡخَاطِـِٔينَ ٢٩
Joseph, ignore this.1 And, [my wife], ask forgiveness for your sin. Indeed, you were of the sinful."
O wi'ani Yuusufa: Ko an yo Yuusufa, yejjitu fii ɗum ɗoo, wata a yeetito gooto. An debbo on, ɗaɓɓir Joomi maa haforaneede junuubi maa ɗin; tawde pellet a jeyaama e bakkondimɓe ɓen sabu ɗaɓɓirgol maa Yuusufa fii bonki.
12:30Page 238
۞ وَقَالَ نِسۡوَةٞ فِي ٱلۡمَدِينَةِ ٱمۡرَأَتُ ٱلۡعَزِيزِ تُرَٰوِدُ فَتَىٰهَا عَن نَّفۡسِهِۦۖ قَدۡ شَغَفَهَا حُبًّاۖ إِنَّا لَنَرَىٰهَا فِي ضَلَٰلٖ مُّبِينٖ ٣٠
And women in the city said, "The wife of al-ʿAzeez is seeking to seduce her slave boy; he has impassioned her with love. Indeed, we see her [to be] in clear error."
Kabaaru debbo on saakitii e saare nden. Rewɓe goo wi'iri ŋiñere: Debbo laamɗo on ɗaɓɓirii kurkaadu makko ndun hoore-mun. Gomɗii giggol ngol ɓurtirii mo ka ɓernde. Menen dey meɗen yi'ira oo debbo sabu ngol ɗaɓɓirgol mo e yiɗugol mo oo suka kurkaadu makko, e majjere ɓanngunde.
12:31Page 239
فَلَمَّا سَمِعَتۡ بِمَكۡرِهِنَّ أَرۡسَلَتۡ إِلَيۡهِنَّ وَأَعۡتَدَتۡ لَهُنَّ مُتَّكَـٔٗا وَءَاتَتۡ كُلَّ وَٰحِدَةٖ مِّنۡهُنَّ سِكِّينٗا وَقَالَتِ ٱخۡرُجۡ عَلَيۡهِنَّۖ فَلَمَّا رَأَيۡنَهُۥٓ أَكۡبَرۡنَهُۥ وَقَطَّعۡنَ أَيۡدِيَهُنَّ وَقُلۡنَ حَٰشَ لِلَّهِ مَا هَٰذَا بَشَرًا إِنۡ هَٰذَآ إِلَّا مَلَكٞ كَرِيمٞ ٣١
So when she heard of their scheming, she sent for them and prepared for them a banquet and gave each one of them a knife and said [to Joseph], "Come out before them." And when they saw him, they greatly admired him and cut their hands1 and said, "Perfect is Allāh!2 This is not a man; this is none but a noble angel."
Nde ɓeyngu laamɗo on nanunoo rewɓe ɓen ɓe ño'irii mo ŋiñugol kuuɗe makko ɗen, o nelani ɓe fii yi'ugol Yuusufa no ɓe okki-mo ngantu. O hebilani ɓe ndaɗundi e ngawluuji, o jonni gooto kala e maɓɓe e laɓi ko lesira, o wi'ani Yuusufa (yo o his): Yatlu e maɓɓe. Nde ɓe ndaarunoo mo, ɓe ŋalɗi e ŋari makko kin, ɓe hetti juuɗe ɗen hakkee ko haa- waa-mbo. Ɓe wi'i: Kaawee Alla! Oo suka wanaa ɓanndinke. Kii ŋari makko ɗoo hebilanaaka ɓanndinke. Oo wonaali si wanaa malaa'ikaajo tedduɗo jeyaaɗo tedduɓe ɓen.
12:32Page 239
قَالَتۡ فَذَٰلِكُنَّ ٱلَّذِي لُمۡتُنَّنِي فِيهِۖ وَلَقَدۡ رَٰوَدتُّهُۥ عَن نَّفۡسِهِۦ فَٱسۡتَعۡصَمَۖ وَلَئِن لَّمۡ يَفۡعَلۡ مَآ ءَامُرُهُۥ لَيُسۡجَنَنَّ وَلَيَكُونٗا مِّنَ ٱلصَّٰغِرِينَ ٣٢
She said, "That is the one about whom you blamed me. And I certainly sought to seduce him, but he firmly refused; and if he will not do what I order him, he will surely be imprisoned and will be of those debased."
Debbo laamɗo on wi'ani rewɓe ɓen ɓaawo o yi'ii ko heɓi ɓen kon : Ko oo suka felirɗon lam giggol mun. Gomɗii mi ɗaɓɓirii mo bonki o haɗitii. Si tawii o waɗaali ko mi ɗaɓɓiri mo kon, ma o naatu kaso ma o jeye kadi e hoyɓe ɓen.
12:33Page 239
قَالَ رَبِّ ٱلسِّجۡنُ أَحَبُّ إِلَيَّ مِمَّا يَدۡعُونَنِيٓ إِلَيۡهِۖ وَإِلَّا تَصۡرِفۡ عَنِّي كَيۡدَهُنَّ أَصۡبُ إِلَيۡهِنَّ وَأَكُن مِّنَ ٱلۡجَٰهِلِينَ ٣٣
He said, "My Lord, prison is more to my liking than that to which they invite me. And if You do not avert from me their plan, I might incline toward them and [thus] be of the ignorant."
Yuusufa (yo o his) maaki himo toroo Joomi makko: Joomi am, ko kammbol kaso ngol ɓurani lam e ko ɓe noddata lam e mun kon e fijirde. Si a huncaali ittuɗaa lam e pewje maɓɓe ɗen, mi ooñoto e maɓɓe, mi jeyee e majjuɓe ɓen, mi waɗa faale maɓɓe on.
12:34Page 239
فَٱسۡتَجَابَ لَهُۥ رَبُّهُۥ فَصَرَفَ عَنۡهُ كَيۡدَهُنَّۚ إِنَّهُۥ هُوَ ٱلسَّمِيعُ ٱلۡعَلِيمُ ٣٤
So his Lord responded to him and averted from him their plan. Indeed, He is the Hearing, the Knowing.
Alla jaabinani mo toraare makko nden, O huncani mo pewje debbo laamɗo on e rewɓe saare nden. Pellet, Ko kanko Seniiɗo On woni Nanoowo toraare Yuusufa nden e kala toraare, Annduɗo fiyaaku makko e kala fiyaaku.
12:35Page 239
ثُمَّ بَدَا لَهُم مِّنۢ بَعۡدِ مَا رَأَوُاْ ٱلۡأٓيَٰتِ لَيَسۡجُنُنَّهُۥ حَتَّىٰ حِينٖ ٣٥
Then it appeared to them after they had seen the signs1 that he [i.e., al-ʿAzeez] should surely imprison him for a time.2
Refti nde debbo laamɗo on e yimɓe maɓɓe ɓen yi'unoo maandeeji laɓɓinɗi Yuusufa ɗin, wonnde bee o sokee -fii wata ɓe wirto- haa e dumunna.
12:36Page 239
وَدَخَلَ مَعَهُ ٱلسِّجۡنَ فَتَيَانِۖ قَالَ أَحَدُهُمَآ إِنِّيٓ أَرَىٰنِيٓ أَعۡصِرُ خَمۡرٗاۖ وَقَالَ ٱلۡأٓخَرُ إِنِّيٓ أَرَىٰنِيٓ أَحۡمِلُ فَوۡقَ رَأۡسِي خُبۡزٗا تَأۡكُلُ ٱلطَّيۡرُ مِنۡهُۖ نَبِّئۡنَا بِتَأۡوِيلِهِۦٓۖ إِنَّا نَرَىٰكَ مِنَ ٱلۡمُحۡسِنِينَ ٣٦
And there entered the prison with him two young men. One of them said, "Indeed, I have seen myself [in a dream] pressing [grapes for] wine." The other said, "Indeed, I have seen myself carrying upon my head [some] bread, from which the birds were eating. Inform us of its interpretation; indeed, we see you to be of those who do good."
Ɓe soki mo. Sukaaɓe ɗiɗo naatidi e makko ka kaso. Gooto e maɓɓe wi'ani yuusufa: Min mi hoyɗii miɗo siiwa 'inau fii sanngara. Ɗiɗmo on wi'i: Min mi hoyɗii miɗo roondii cobbal ka hoore-am, colli no ñaama e maggal. Humpitii men, an Yuusufa, firo koyɗi amen. Menen men yi'ii ma jeyaaɗo e moƴƴinooɓe ɓen.
12:37Page 239
قَالَ لَا يَأۡتِيكُمَا طَعَامٞ تُرۡزَقَانِهِۦٓ إِلَّا نَبَّأۡتُكُمَا بِتَأۡوِيلِهِۦ قَبۡلَ أَن يَأۡتِيَكُمَاۚ ذَٰلِكُمَا مِمَّا عَلَّمَنِي رَبِّيٓۚ إِنِّي تَرَكۡتُ مِلَّةَ قَوۡمٖ لَّا يُؤۡمِنُونَ بِٱللَّهِ وَهُم بِٱلۡأٓخِرَةِ هُمۡ كَٰفِرُونَ ٣٧
He said, "You will not receive food that is provided to you except that I will inform you of its interpretation before it comes to you. That is from what my Lord has taught me. Indeed, I have left the religion of a people who do not believe in Allāh, and they, in the Hereafter, are disbelievers.
Yuusufu maaki: Ñaametee ardirantah on laamɗo on maa goɗɗo goo si wanaa mi yeetoto on haqiiqa e kayfiya ɗum ado o arde on. Ngol firtugol koyɗi ko jeyaaɗum e ko Joomi am anndini lam, wanaa ndaaro maa ko nanndi e mun. Mi ɗalii diina yimɓe ɓe gomɗinaa Alla, haray kamɓe e fii laakara on ko ɓe yedduɓe.
12:38Page 240
وَٱتَّبَعۡتُ مِلَّةَ ءَابَآءِيٓ إِبۡرَٰهِيمَ وَإِسۡحَٰقَ وَيَعۡقُوبَۚ مَا كَانَ لَنَآ أَن نُّشۡرِكَ بِٱللَّهِ مِن شَيۡءٖۚ ذَٰلِكَ مِن فَضۡلِ ٱللَّهِ عَلَيۡنَا وَعَلَى ٱلنَّاسِ وَلَٰكِنَّ أَكۡثَرَ ٱلنَّاسِ لَا يَشۡكُرُونَ ٣٨
And I have followed the religion of my fathers, Abraham, Isaac and Jacob. And it was not for us to associate anything with Allāh. That is from the favor of Allāh upon us and upon the people, but most of the people are not grateful.
Jokkumi diina baabiraaɓe am ɓen: Ibraahiimaa e Ishaaqa e Yaaquuba; ko kan woni diina bajjinɗingol Alla. Sellantaa men nde men kafidata e Alla goɗɗum goo. Ko Kanko woni heerorɗo gootaagu. On tawhiidi e gomɗinal ko mi woni e mun min e baabiraaɓe am ɓen, ko jeyaaɗum e ɓural Alla e dow amen nde O hawrindini men e ɗum. Jeyaaɗum kadi e ɓural Makko e dow yimɓe ɓen fow nde tawnoo O imminii Annabaaɓe e maɓɓe; kono ko ɓuri ɗuuɗude e yimɓe ɓen ɓe yettatah Alla e neemaaji Makko ɗin, ko yeddugol Mo ɓe waɗata.
12:39Page 240
يَٰصَٰحِبَيِ ٱلسِّجۡنِ ءَأَرۡبَابٞ مُّتَفَرِّقُونَ خَيۡرٌ أَمِ ٱللَّهُ ٱلۡوَٰحِدُ ٱلۡقَهَّارُ ٣٩
O [my] two companions of prison, are separate lords better or Allāh, the One,1 the Prevailing?2
Refti Yuusufa yewti sukaaɓe ɓen ɗiɗo ka kaso o maakani ɓe: E ko rewugol reweteeɗi sertuɗi ɓuri moƴƴude, kaa ko rewugol Alla Gooto Mo alaa kafidiiɗo On, On Fooluɗo tanaa Mun, Mo fooletaake?
12:40Page 240
مَا تَعۡبُدُونَ مِن دُونِهِۦٓ إِلَّآ أَسۡمَآءٗ سَمَّيۡتُمُوهَآ أَنتُمۡ وَءَابَآؤُكُم مَّآ أَنزَلَ ٱللَّهُ بِهَا مِن سُلۡطَٰنٍۚ إِنِ ٱلۡحُكۡمُ إِلَّا لِلَّهِ أَمَرَ أَلَّا تَعۡبُدُوٓاْ إِلَّآ إِيَّاهُۚ ذَٰلِكَ ٱلدِّينُ ٱلۡقَيِّمُ وَلَٰكِنَّ أَكۡثَرَ ٱلنَّاسِ لَا يَعۡلَمُونَ ٤٠
You worship not besides Him except [mere] names you have named them,1 you and your fathers, for which Allāh has sent down no evidence. Legislation is not but for Allāh. He has commanded that you worship not except Him. That is the correct religion, but most of the people do not know.
On alaa e rewde gaanin Alla, si wanaa inɗe ɗe hikkaaki nokku, ɗe innitirɗon onon e baabiraaɓe mon reweteeɗe, ɗe alah non huunde e geɓal ka reweede, Alla jippinanaali kon ko innitirɗon ɗe hujja tinndinoowo sellugol ɗe. Ñaawoore tagu ngun fow alanaa si wanaa Alla gooto On, wanah ɗee inɗe ɗe innitirɗon onon e baabiraaɓe mon. Alla yamirii on nde bajjinɗinirton Mo dewal, O haɗi on kafidugol Mo e goɗɗum goo. Ko ɗum woni diina ñiiɓuka ka ooñaare alaa e mu'un; kono ko ɓuri ɗuuɗude e yimɓe ɓen anndaa ɗum, ko ɗum waɗi si ɓe sirkannde Alla, ɓe rewa tagaaɗi goo.
12:41Page 240
يَٰصَٰحِبَيِ ٱلسِّجۡنِ أَمَّآ أَحَدُكُمَا فَيَسۡقِي رَبَّهُۥ خَمۡرٗاۖ وَأَمَّا ٱلۡأٓخَرُ فَيُصۡلَبُ فَتَأۡكُلُ ٱلطَّيۡرُ مِن رَّأۡسِهِۦۚ قُضِيَ ٱلۡأَمۡرُ ٱلَّذِي فِيهِ تَسۡتَفۡتِيَانِ ٤١
O two companions of prison, as for one of you, he will give drink to his master of wine; but as for the other, he will be crucified, and the birds will eat from his head. The matter has been decreed about which you both inquire."
Ko onon yo wondiiɓe am ɗiɗo ka kaso! Yi'uɗo e mon on no hama inbu, o yaltay woni ka kaso, o yiltitoo e golle makko, o yarna laamɗo on. Oya yi'uɗo cobbal ngal ka hoore-mun colli no ñaama e maggal, ko wareteeɗo fetee, colli ɗin ñaama teewu hoore makko nden. Fiyaaku mo lanndiɗon fii mun on ñaawaama gasii. Ɗum ko waɗayɗum feere alaa.
12:42Page 240
وَقَالَ لِلَّذِي ظَنَّ أَنَّهُۥ نَاجٖ مِّنۡهُمَا ٱذۡكُرۡنِي عِندَ رَبِّكَ فَأَنسَىٰهُ ٱلشَّيۡطَٰنُ ذِكۡرَ رَبِّهِۦ فَلَبِثَ فِي ٱلسِّجۡنِ بِضۡعَ سِنِينَ ٤٢
And he said to the one whom he knew would go free, "Mention me before your master." But Satan made him forget the mention [to] his master, and he [i.e., Joseph] remained in prison several years.
Yuusufu maakani on mo o sikki daɗay e maɓɓe kamɓe ɗiɗo -onon woni yarnoowo laamɗo on-: Janto fii am ka laamɗo on, hino gasa ka o yaltina lam ka kaso. Seytaane yejjntini yarnoowo on jantagol fii Yuusufa ka laamɗo on. Yuusufa ñiiɓiti ka kaso ɓaawo ɗum, yoga e duuɓi.
12:43Page 240
وَقَالَ ٱلۡمَلِكُ إِنِّيٓ أَرَىٰ سَبۡعَ بَقَرَٰتٖ سِمَانٖ يَأۡكُلُهُنَّ سَبۡعٌ عِجَافٞ وَسَبۡعَ سُنۢبُلَٰتٍ خُضۡرٖ وَأُخَرَ يَابِسَٰتٖۖ يَٰٓأَيُّهَا ٱلۡمَلَأُ أَفۡتُونِي فِي رُءۡيَٰيَ إِن كُنتُمۡ لِلرُّءۡيَا تَعۡبُرُونَ ٤٣
And [subsequently] the king said, "Indeed, I have seen [in a dream] seven fat cows being eaten by seven [that were] lean, and seven green spikes [of grain] and others [that were] dry. O eminent ones, explain to me my vision, if you should interpret visions."
Laamɗo on wi'i: Min mi yi'ii e koyɗol na'i jeeɗiɗi fayɗi, na nyaama fooƴuɗi jeeɗiɗi ɗin. Mi yi'ii kadi butaali jeeɗiɗi kecce e yooruɗe jeeɗiɗi. Ko onon yo mbatu dental, humpitee lam firo ngol koyɗol, si on laatike annduɓe firo koyɗi.
12:44Page 241
قَالُوٓاْ أَضۡغَٰثُ أَحۡلَٰمٖۖ وَمَا نَحۡنُ بِتَأۡوِيلِ ٱلۡأَحۡلَٰمِ بِعَٰلِمِينَ ٤٤
They said, "[It is but] a mixture of false dreams, and we are not learned in the interpretation of dreams."
Ɓe wi'i: Koyɗi maa ɗin ko jiiɓu-jaaɓa. Kala ko wa'i non, haray alaa firo. Men wonaali non annduɓe firo koyɗi jiiɓu-jaaɓu.
12:45Page 241
وَقَالَ ٱلَّذِي نَجَا مِنۡهُمَا وَٱدَّكَرَ بَعۡدَ أُمَّةٍ أَنَا۠ أُنَبِّئُكُم بِتَأۡوِيلِهِۦ فَأَرۡسِلُونِ ٤٥
But the one who was freed and remembered after a time said, "I will inform you of its interpretation, so send me forth."
On yarnoowo daɗunooɗo on e sukaaɓe ɓen ɗiɗo ka kaso annditi Annabi Yuusufa ka firo koyɗi ɓaawo dumunna, o wi'i: Min mi humpitay on firo koyɗol laamɗo on si mi lanndike annduɗo fii mun. Laamɗo on, nulee lam ka Yuusufa o firana on koyɗol ngol.
12:46Page 241
يُوسُفُ أَيُّهَا ٱلصِّدِّيقُ أَفۡتِنَا فِي سَبۡعِ بَقَرَٰتٖ سِمَانٖ يَأۡكُلُهُنَّ سَبۡعٌ عِجَافٞ وَسَبۡعِ سُنۢبُلَٰتٍ خُضۡرٖ وَأُخَرَ يَابِسَٰتٖ لَّعَلِّيٓ أَرۡجِعُ إِلَى ٱلنَّاسِ لَعَلَّهُمۡ يَعۡلَمُونَ ٤٦
[He said], "Joseph, O man of truth, explain to us about seven fat cows eaten by seven [that were] lean, and seven green spikes [of grain] and others [that were] dry - that I may return to the people [i.e., the king and his court]; perhaps they will know [about you]."
Nde on daɗuɗo hewtunoo ka Yuusufa, o wi'ani mo: Ko an yo Yuusufa, an goonguɗo! Humpitii men firo hoyɗuɗo na'i jeeɗiɗi fayɗi na nyaama fooƴuɗi jeeɗiɗi ɗin. O yi'ii kadi butaali jeeɗiɗi kecci e yooruɗe jeeɗiɗi. Belajo'o, ɓe ruttoto ka laamɗo on e yimɓe makko ɓen, belajo'o, ɓe annda firo koyɗol laamɗo on, ɓe annda kadi ɓural maa ngal e darja maa on.
12:47Page 241
قَالَ تَزۡرَعُونَ سَبۡعَ سِنِينَ دَأَبٗا فَمَا حَصَدتُّمۡ فَذَرُوهُ فِي سُنۢبُلِهِۦٓ إِلَّا قَلِيلٗا مِّمَّا تَأۡكُلُونَ ٤٧
[Joseph] said, "You will plant for seven years consecutively; and what you harvest leave in its spikes, except a little from which you will eat.
Yuusufu (yo o his) maakani ɓe ka firo koyɗol: On remay duuɓi jeeɗiɗi jokkindinon e tiiɗnaare: Ko soñoton kon e hitaande kala nder ɗin duuɓi jeeɗiɗi, accon ɗum ka dukkal(wutaandu) mun fii wata fuunu, si wanaa seeɗa e ko gabbe ko hatonjinoyton fii ñaamugol.
12:48Page 241
ثُمَّ يَأۡتِي مِنۢ بَعۡدِ ذَٰلِكَ سَبۡعٞ شِدَادٞ يَأۡكُلۡنَ مَا قَدَّمۡتُمۡ لَهُنَّ إِلَّا قَلِيلٗا مِّمَّا تُحۡصِنُونَ ٤٨
Then will come after that seven difficult [years] which will consume what you advanced [i.e., saved] for them, except a little from which you will store.
Refti aroyay ɓaawo ɗin duuɓi jeeɗiɗi saɗtuɗi ɗi remuɗon e muuɗum, duuɓi jeeɗiɗi maapunde(yoo-, ɗi yimɓe ɓen ñaamata e majji kala ko soñanoo e ɗiya duuɓi saɗtuɗi si wanah seeɗa e kon ko maruɗon fii awdi.
12:49Page 241
ثُمَّ يَأۡتِي مِنۢ بَعۡدِ ذَٰلِكَ عَامٞ فِيهِ يُغَاثُ ٱلنَّاسُ وَفِيهِ يَعۡصِرُونَ ٤٩
Then will come after that a year in which the people will be given rain and in which they will press [olives and grapes]."
Refti aroyay ɓaawo ɗin duuɓi yoor, hitaande nde toɓo jippotoo e mun, puɗi ɗin yalta, yimɓe ɓen siiwa kala ko ɓe hatonjini e muuɗum; wano inabu e nebban-leɗɗe e leɗɗe-sukkar.
12:50Page 241
وَقَالَ ٱلۡمَلِكُ ٱئۡتُونِي بِهِۦۖ فَلَمَّا جَآءَهُ ٱلرَّسُولُ قَالَ ٱرۡجِعۡ إِلَىٰ رَبِّكَ فَسۡـَٔلۡهُ مَا بَالُ ٱلنِّسۡوَةِ ٱلَّٰتِي قَطَّعۡنَ أَيۡدِيَهُنَّۚ إِنَّ رَبِّي بِكَيۡدِهِنَّ عَلِيمٞ ٥٠
And the king said, "Bring him to me." But when the messenger came to him, [Joseph] said, "Return to your master and ask him what is the case of the women who cut their hands. Indeed, my Lord is Knowing of their plan."
Nde ɓe yottinnoo ko Yuusufu firtani koyɗol ngol kon, laamɗo on wi'ani gollooɓe mun ɓen: Yaltinee mo ka kaso addanon lam mo. Nde imminaaɗo laamɗo on arunoo ka Yuusufa, o maakani on: Rutto ka koohoojo maa on lanndoɗaa mo fiyaaku rewɓe barminnooɓe juuɗe mon ɗen? Ɗum ko fii no o feññinira o bonnah ado o yaltineede ka kaso. Pellet, Joomi am hino anndi ko ɓe huuwi kon e ɗaɓɓirgol lam bonki. Huunde suuɗaaki Mo e ɗum.
12:51Page 241
قَالَ مَا خَطۡبُكُنَّ إِذۡ رَٰوَدتُّنَّ يُوسُفَ عَن نَّفۡسِهِۦۚ قُلۡنَ حَٰشَ لِلَّهِ مَا عَلِمۡنَا عَلَيۡهِ مِن سُوٓءٖۚ قَالَتِ ٱمۡرَأَتُ ٱلۡعَزِيزِ ٱلۡـَٰٔنَ حَصۡحَصَ ٱلۡحَقُّ أَنَا۠ رَٰوَدتُّهُۥ عَن نَّفۡسِهِۦ وَإِنَّهُۥ لَمِنَ ٱلصَّٰدِقِينَ ٥١
Said [the king to the women], "What was your condition when you sought to seduce Joseph?" They said, "Perfect is Allāh!1 We know about him no evil." The wife of al-ʿAzeez said, "Now the truth has become evident. It was I who sought to seduce him, and indeed, he is of the truthful.
Laamɗo o wii rewɓe ɓe hol ko heɓi mon haa ɗaɓɓirɗon Yuusuf feere bonnde haa o waɗda e mon ko boni, rewɓe ɓe mbii laamɗo o Yuusuf ina woɗɗi ko O tuuma ko, min ngoondiri Alla min nganndah e Makko bonannde, ndeen tan Cuddiiɗo Laamɗo o wii jooni de goongo ɓanngi ko miin hoomtatnoo mbo, wonah kanko hoomtatnoo mi, ko goongo o haali ko o noddatii ko, te hombo hisi ko o tuuma ko.
12:52Page 241
ذَٰلِكَ لِيَعۡلَمَ أَنِّي لَمۡ أَخُنۡهُ بِٱلۡغَيۡبِ وَأَنَّ ٱللَّهَ لَا يَهۡدِي كَيۡدَ ٱلۡخَآئِنِينَ ٥٢
That is so he [i.e., al-ʿAzeez] will know that I did not betray him in [his] absence and that Allāh does not guide the plan of betrayers.
Ɓeyngu laamɗo on wi'i: Ko fii yo Yuusufa anndu ko mi qirritanii wonnde ko mi ɗaɓɓi mo, e wonnde ko goonga makko wiide mi fenaali e hoore-makko ɓaawo makko. Tabitanii lam e ko feƴƴi kon wonnde Alla fewnatah fenoowo hodoowo.
12:53Page 242
۞ وَمَآ أُبَرِّئُ نَفۡسِيٓۚ إِنَّ ٱلنَّفۡسَ لَأَمَّارَةُۢ بِٱلسُّوٓءِ إِلَّا مَا رَحِمَ رَبِّيٓۚ إِنَّ رَبِّي غَفُورٞ رَّحِيمٞ ٥٣
And I do not acquit myself. Indeed, the soul is a persistent enjoiner of evil, except those upon which my Lord has mercy. Indeed, my Lord is Forgiving and Merciful."1
Ɓeyngu laamɗo on jokkitii o wi'i: Mi laɓɓinaa hoore-am e faandanagol bone, mi faandoraaki ɗum kadi laɓɓingol hoore-am; sabu wonkii neɗɗanke ko heewuki yamirde bone, tawde ki ooñoray e ko welataki, yiltugol ki e ɗum saɗta, si wanaa kin ki Alla yurmaa, O daɗnda ki e yamirgol bone. Pellet Joomi am ko Haforanoowo kala tuubuɗo e jeyaaɓe Makko ɓen, Hinnotooɗo ɓe.
12:54Page 242
وَقَالَ ٱلۡمَلِكُ ٱئۡتُونِي بِهِۦٓ أَسۡتَخۡلِصۡهُ لِنَفۡسِيۖ فَلَمَّا كَلَّمَهُۥ قَالَ إِنَّكَ ٱلۡيَوۡمَ لَدَيۡنَا مَكِينٌ أَمِينٞ ٥٤
And the king said, "Bring him to me; I will appoint him exclusively for myself." And when he spoke to him, he said, "Indeed, you are today established [in position] and trusted."
Nde laaɓugol Yuusufa ngol e ganndal makko feeñunoo, laamɗo on wi'ani golloowo mun ɓen: Addanee lam mo, mi heertinana mo hoore-am. Ɓe addi mo. Nde o yewtunoo mo, ganndal oya ngal e haqqille makko ɗen ɓanngani mo, o wi'ani mo: An on Yuusufa, a wonii hannde ka amen, jom-nokku e jaahu, hoolaaɗo.
12:55Page 242
قَالَ ٱجۡعَلۡنِي عَلَىٰ خَزَآئِنِ ٱلۡأَرۡضِۖ إِنِّي حَفِيظٌ عَلِيمٞ ٥٥
[Joseph] said, "Appoint me over the storehouses of the land. Indeed, I will be a knowing guardian."
Annabi Yuusufa maaki: "Halfinam reenugol ngaluuji jawle ɗen e ñaameteeji leydi Misra ndin, min ko mi reenoowo hoolniiɗo, annduɗo ko mi waɗata.
12:56Page 242
وَكَذَٰلِكَ مَكَّنَّا لِيُوسُفَ فِي ٱلۡأَرۡضِ يَتَبَوَّأُ مِنۡهَا حَيۡثُ يَشَآءُۚ نُصِيبُ بِرَحۡمَتِنَا مَن نَّشَآءُۖ وَلَا نُضِيعُ أَجۡرَ ٱلۡمُحۡسِنِينَ ٥٦
And thus We established Joseph in the land to settle therein wherever he willed. We touch with Our mercy whom We will, and We do not allow to be lost the reward of those who do good.
Ko wano Men neeminirnoo non e Yuusufa laɓɓingol mo ɓoortindira mo e kaso, Men neeminiri e makko ñimnugol ka leydi Misra, himo jippoo hoɗa e mayri nokku kala ka o yiɗi. Meɗen yeɗa yurmeendeAa Amen nden aduna on mo Men muuyi e jeyaaɓe Amen ɓen. Men yeebataa njoɓdi moƴƴinooɓe ɓen, ko Men timminirooɓe ndi ko aldaa e ɗuytugol.
12:57Page 242
وَلَأَجۡرُ ٱلۡأٓخِرَةِ خَيۡرٞ لِّلَّذِينَ ءَامَنُواْ وَكَانُواْ يَتَّقُونَ ٥٧
And the reward of the Hereafter is better for those who believed and were fearing Allāh.
Pellet ko mbarjaari ndi Alla hebili ndin laakara ɓuri moƴƴude diini njoɓdi aduna ndin, wonannde ɓen gomɗimɓe Alla ɓe laatii hulirooɓe Mo ɗoftagol yamirooje Makko woɗɗitoo haɗaaɗi Makko.
12:58Page 242
وَجَآءَ إِخۡوَةُ يُوسُفَ فَدَخَلُواْ عَلَيۡهِ فَعَرَفَهُمۡ وَهُمۡ لَهُۥ مُنكِرُونَ ٥٨
And the brothers of Joseph came [seeking food], and they entered upon him; and he recognized them, but he was to them unknown.1
Baaba-gootooɓe Yuusufa ɓen ardiri Misra e ko yeeyetee, ɓe naati ka makko. O anndi ko baaba-gootooɓe makko ɓen nii, kono kamɓe ɓe annditaali mo; tawde dumunna on juutii kadi mbaadi makko ndin waylike, hari ko o cukalel fewno ko ɓe buginoo mo ka woyndu.
12:59Page 242
وَلَمَّا جَهَّزَهُم بِجَهَازِهِمۡ قَالَ ٱئۡتُونِي بِأَخٖ لَّكُم مِّنۡ أَبِيكُمۡۚ أَلَا تَرَوۡنَ أَنِّيٓ أُوفِي ٱلۡكَيۡلَ وَأَنَا۠ خَيۡرُ ٱلۡمُنزِلِينَ ٥٩
And when he had furnished them with their supplies, he said, "Bring me a brother of yours from your father.1 Do you not see that I give full measure and that I am the best of accommodators?
Tuma o jonnunooɓe ko ɓe lanndii kon e gabbe e njooɓa, ɓe humpiti mo wonnde hiɓe mari musiɗɗo baaba-gootoojo mo ɓe acci ka ben mun, o maakani ɓe: addanee lam musiɗɗo mon baaba-gooto, mi ɓeydana on ko ngelooba ronndoo. E on yi'aali wonnde miɗo timmina ɓetu ngun Mi alaa e ɗuytude, e wonnde ko mi moƴƴo weernooɓe ɓen?
12:60Page 242
فَإِن لَّمۡ تَأۡتُونِي بِهِۦ فَلَا كَيۡلَ لَكُمۡ عِندِي وَلَا تَقۡرَبُونِ ٦٠
But if you do not bring him to me, no measure will there be [hereafter] for you from me, nor will you approach me."
Si on addanaali lam mo, haray fenaande mon nden ɓanngii wiide hiɗon mari musiɗɗo baaba-gooto. Mi ɓetitantaa on ñaametee, wata on ɓado kadi leydi am ndin.
12:61Page 242
قَالُواْ سَنُرَٰوِدُ عَنۡهُ أَبَاهُ وَإِنَّا لَفَٰعِلُونَ ٦١
They said, "We will attempt to dissuade his father from [keeping] him, and indeed, we will do [it]."
Baaba-gootooɓe makko ɓen jaabii mo: Men ɗaɓɓiray mo ben makko, men etoo fii mun. Menen ko men gollooɓe kon ko yamir-ɗaa men ko aldaa e raɓɓindinagol.
12:62Page 242
وَقَالَ لِفِتۡيَٰنِهِ ٱجۡعَلُواْ بِضَٰعَتَهُمۡ فِي رِحَالِهِمۡ لَعَلَّهُمۡ يَعۡرِفُونَهَآ إِذَا ٱنقَلَبُوٓاْ إِلَىٰٓ أَهۡلِهِمۡ لَعَلَّهُمۡ يَرۡجِعُونَ ٦٢
And [Joseph] said to his servants, "Put their merchandise1 into their saddlebags so they might recognize it when they have gone back to their people that perhaps they will [again] return."
Yuusufu maakani gollooɓe makko ɓen: Jonnitee ɓee doŋlle maɓɓe ɗen fii no ɓe annditiroya tuma ruttii ka yimɓe maɓɓe ɓe wonnde e soondanaano ɓe, ɗum waɗay ɓe yiltioo hara ontuma hiɓe wonndi e musiɗɗo maɓɓe on. Ɗum ko fii no ɓe tabintirina Yuusufa goonga maɓɓe kan, o jaɓana ɓe doŋlle maɓɓe ɗen.
12:63Page 242
فَلَمَّا رَجَعُوٓاْ إِلَىٰٓ أَبِيهِمۡ قَالُواْ يَٰٓأَبَانَا مُنِعَ مِنَّا ٱلۡكَيۡلُ فَأَرۡسِلۡ مَعَنَآ أَخَانَا نَكۡتَلۡ وَإِنَّا لَهُۥ لَحَٰفِظُونَ ٦٣
So when they returned to their father, they said, "O our father, [further] measure has been denied to us, so send with us our brother [that] we will be given measure. And indeed, we will be his guardians."
Tuma nde ɓe ruttinoo ka ben maɓɓe, ɓe fillanii mo ko Yuusufa teddini ɓe kon, ɓe wi'i: Ko an yo ɓen amen, men salante ɓetu si men yahdaali e musiɗɗo amen on, immindin mo e amen. Si a immindinii men, men ɓetante. Men fodii ma reenugol mo ruttoda e makko himo hisi.
12:64Page 243
قَالَ هَلۡ ءَامَنُكُمۡ عَلَيۡهِ إِلَّا كَمَآ أَمِنتُكُمۡ عَلَىٰٓ أَخِيهِ مِن قَبۡلُ فَٱللَّهُ خَيۡرٌ حَٰفِظٗاۖ وَهُوَ أَرۡحَمُ ٱلرَّٰحِمِينَ ٦٤
He said, "Should I entrust you with him except [under coercion] as I entrusted you with his brother before? But Allāh is the best guardian, and He is the most merciful of the merciful."
Ben maɓɓe maakani ɓe: hara mi hooloray on e fii makko, si wanaa no mi hoolornoo non e neene-gooto makko on Yuusufa oya tuma? Mi hoolino on e fii on ɗon, foduɗon lam reenugol mo, on hunnaali ahdi. Hoolaare alanaa on ka an wonnde on reenay mo, ko Alla mi hoolori; ko Kanko woni moƴƴo reenoowo on mo O yiɗi reenude, ɓurɗo moƴƴude yurmeteeɓe ɓen, wonannde mo O yiɗi yurmeede.
12:65Page 243
وَلَمَّا فَتَحُواْ مَتَٰعَهُمۡ وَجَدُواْ بِضَٰعَتَهُمۡ رُدَّتۡ إِلَيۡهِمۡۖ قَالُواْ يَٰٓأَبَانَا مَا نَبۡغِيۖ هَٰذِهِۦ بِضَٰعَتُنَا رُدَّتۡ إِلَيۡنَاۖ وَنَمِيرُ أَهۡلَنَا وَنَحۡفَظُ أَخَانَا وَنَزۡدَادُ كَيۡلَ بَعِيرٖۖ ذَٰلِكَ كَيۡلٞ يَسِيرٞ ٦٥
And when they opened their baggage, they found their merchandise returned to them. They said, "O our father, what [more] could we desire? This is our merchandise returned to us. And we will obtain supplies [i.e., food] for our family and protect our brother and obtain an increase of a camel's load; that is an easy measurement."1
Nde ɓe udditunoo doŋlle maɓɓe ñaametee ɗen ɗe ɓe addori, ɓe tawi coggeeli mun ɗin ruttitaama e maɓɓe. Ɓe wi'ani ben maɓɓe: E ko men ɗaɓɓata ɓuri ngal teddungal ɗoo? Ɗum ɗoo ko coggu ñaametee amen on, laamɗo on jonnitirii men ɗum teddingol men. Men addanay yimɓe amen ɓen ñaametee, men reena musiɗɗo amen on e ko hulan-ɗaa mo kon, men ɓeydora ɓetu ngelooba tawde mba ronndannto men; ɓeydorgol ɓetu ngelooba, ko huunde newiinde ka laamɗo on.
12:66Page 243
قَالَ لَنۡ أُرۡسِلَهُۥ مَعَكُمۡ حَتَّىٰ تُؤۡتُونِ مَوۡثِقٗا مِّنَ ٱللَّهِ لَتَأۡتُنَّنِي بِهِۦٓ إِلَّآ أَن يُحَاطَ بِكُمۡۖ فَلَمَّآ ءَاتَوۡهُ مَوۡثِقَهُمۡ قَالَ ٱللَّهُ عَلَىٰ مَا نَقُولُ وَكِيلٞ ٦٦
[Jacob] said, "Never will I send him with you until you give me a promise [i.e., oath] by Allāh that you will bring him [back] to me, unless you should be surrounded [i.e., overcome by enemies]." And when they had given their promise, he said, "Allāh, over what we say, is Entrusted."1
Ben maɓɓe maakani ɓe: Mi immindintaa mo e mooɗon haa ƴettanon mi ahadi ka Alla, wonnde pellet on artiranay lam mo si wanaa hara maayde huɓindi on fow mon, hara alah heddiiɗo e mon, on ronku feere haɗugol ɗum. Ɓaawo ɓe ƴettanii mo ahdi Alla fellintinaandi e ɗum ndin, o maaki: Alla ko seediiɗo e ko wowluɗen kon, seedee Makko on yonii en.
12:67Page 243
وَقَالَ يَٰبَنِيَّ لَا تَدۡخُلُواْ مِنۢ بَابٖ وَٰحِدٖ وَٱدۡخُلُواْ مِنۡ أَبۡوَٰبٖ مُّتَفَرِّقَةٖۖ وَمَآ أُغۡنِي عَنكُم مِّنَ ٱللَّهِ مِن شَيۡءٍۖ إِنِ ٱلۡحُكۡمُ إِلَّا لِلَّهِۖ عَلَيۡهِ تَوَكَّلۡتُۖ وَعَلَيۡهِ فَلۡيَتَوَكَّلِ ٱلۡمُتَوَكِّلُونَ ٦٧
And he said, "O my sons, do not enter from one gate but enter from different gates; and I cannot avail you against [the decree of] Allāh at all. The decision is only for Allāh; upon Him I have relied, and upon Him let those who would rely [indeed] rely."
Ben maɓɓe maakani ɓe hino wasiyoo ɓe: wata on naatiroy Misra e damal gootal hiɗon wonndi, ko yo on naatir e dame seertuɗe. Ko ɗum ɓurata hisinnde on diini goɗɗo huuɓitirta on lorra si o immanike on. Mi alaa wowlirannde on ɗum, fii duñangol on lorra mo Alla faandorii on, wanaa kadi fii pooɗangol on nafa mo Alla yiɗanaa on. Ñaawoore alaa si wanaa ñaawoore Alla nden, fiyaaku alaa si wanaa fiyaaku Makko on. Ko e Makko fawii-mi e kala fiyaaku am, ko e Makko Kanko tun, yo fawo fawotooɓe ɓen e fiyakuuji maɓɓe ɗin.
12:68Page 243
وَلَمَّا دَخَلُواْ مِنۡ حَيۡثُ أَمَرَهُمۡ أَبُوهُم مَّا كَانَ يُغۡنِي عَنۡهُم مِّنَ ٱللَّهِ مِن شَيۡءٍ إِلَّا حَاجَةٗ فِي نَفۡسِ يَعۡقُوبَ قَضَىٰهَاۚ وَإِنَّهُۥ لَذُو عِلۡمٖ لِّمَا عَلَّمۡنَٰهُ وَلَٰكِنَّ أَكۡثَرَ ٱلنَّاسِ لَا يَعۡلَمُونَ ٦٨
And when they entered from where their father had ordered them, it did not avail them against Allāh at all except [it was] a need [i.e., concern] within the soul of Jacob, which he satisfied. And indeed, he was a possessor of knowledge because of what We had taught him, but most of the people do not know.
Ɓe yahdi e neene-gooto oya on. Nde ɓe naatirnoo e dame seertuɗe, wano ben maɓɓe yamirnooɓe non, ɗum wonaano hino duñana ɓe huunde e ko Alla muuyani ɓe kon. Ɗum ko annde Yaaquuba tun fii ɓiɗɓe makko ɓen o feññini, o wasiyii ɓe ɗum e hoore himo anndi ñaawoore alaa si wanaa ñaawoore Alla nden. Ko o annduɗo ko men anndini mo kon e gomɗingol hoddiraaji e jogitagol sabuuji ɗin. Kono ko ɓuri ɗuuɗude e yimɓe ɓen ɓe anndaa ɗum.
12:69Page 243
وَلَمَّا دَخَلُواْ عَلَىٰ يُوسُفَ ءَاوَىٰٓ إِلَيۡهِ أَخَاهُۖ قَالَ إِنِّيٓ أَنَا۠ أَخُوكَ فَلَا تَبۡتَئِسۡ بِمَا كَانُواْ يَعۡمَلُونَ ٦٩
And when they entered upon Joseph, he took his brother to himself; he said, "Indeed, I am your brother, so do not despair over what they used to do [to me]."
Nde ɓe baaba-gootooɓe Yuusufa ɓen naatunoo ka makko hiɓe wonndi e neene-gooto makko on, o ɓanniti neene-gooto makko on e makko, o maakini mo sirru: ko min woni neene-gooto maa on Yuusuf. wata a sunor piiji kaanuɗi ɗi musiɗɓe maa ɓen huuwaynoo, immorde lorra e ngayngu hoore-men, e ko ɓe werlii lam kon ka woyndu.
12:70Page 244
فَلَمَّا جَهَّزَهُم بِجَهَازِهِمۡ جَعَلَ ٱلسِّقَايَةَ فِي رَحۡلِ أَخِيهِ ثُمَّ أَذَّنَ مُؤَذِّنٌ أَيَّتُهَا ٱلۡعِيرُ إِنَّكُمۡ لَسَٰرِقُونَ ٧٠
So when he had furnished them with their supplies, he put the [gold measuring] bowl into the bag of his brother. Then an announcer called out, "O caravan, indeed you are thieves."
Nde Yuusufu yamirnoo gollooɓe makko rimndude ngelooba musiɗɓe makko ɓen ñaametee,o waɗi etirgal laamɗo o etiraynoo ngal ka doŋngal neene gooto makko on ɓe anndaali,fii no on heddora e takko makko.Nde ɓe fokkiti yiltitagol ka maɓɓe noddoowo ewnii ɓe:Ko onon yo joomiraaɓe ngelooba roondinba ñaametee, ko on wuyɓe .
12:71Page 244
قَالُواْ وَأَقۡبَلُواْ عَلَيۡهِم مَّاذَا تَفۡقِدُونَ ٧١
They said while approaching them, "What is it you are missing?"
Musiɗɓe Yuusufa ɓen fewtiti e ewniiɗo on e wonnduɓe e makko ɓen ɓe wi'i: Ko honɗum majjiri on haa tuumiron min nguyka?
12:72Page 244
قَالُواْ نَفۡقِدُ صُوَاعَ ٱلۡمَلِكِ وَلِمَن جَآءَ بِهِۦ حِمۡلُ بَعِيرٖ وَأَنَا۠ بِهِۦ زَعِيمٞ ٧٢
They said, "We are missing the measure of the king. And for he who produces it is [the reward of] a camel's load, and I am responsible for it."
Ewniiɗo on e wonndiiɓe makko ɓen wi'ani Yuusufa: Sari'yaare nde laamɗo on etirta nden majjirii men. Hino woodani kala adduɗo nde ado wiñeede, yeru doŋngal ngelooba. Ko min fawtanii mo ɗum.
12:73Page 244
قَالُواْ تَٱللَّهِ لَقَدۡ عَلِمۡتُم مَّا جِئۡنَا لِنُفۡسِدَ فِي ٱلۡأَرۡضِ وَمَا كُنَّا سَٰرِقِينَ ٧٣
They said, "By Allāh, you have certainly known that we did not come to cause corruption in the land, and we have not been thieves."
Musiɗɓe Yuusufa ɓen wi'ani ɓe: Men woondirii Alla, gomɗii hiɗon anndi laaɓugol amen e woɗɗondirgol amen e ɗum, wano rentirɗon men. Hiɗon anndi kadi men ardaali ka leydi Msira fii bonnugol, men meeɗaali wonnde wuyɓe e nguurndam amen.
12:74Page 244
قَالُواْ فَمَا جَزَٰٓؤُهُۥٓ إِن كُنتُمۡ كَٰذِبِينَ ٧٤
They [the accusers] said, "Then what would be its recompense1 if you should be liars?"
Ewniiɗo on e wonndiiɓe makko ɓen wi'i: Ko honɗum wonata njoɓdi wujjuɗo on e mooɗon si tawii ko on fenuɓe e ko wiiɗon kon hiɗon laaɓi e wujjugol?
12:75Page 244
قَالُواْ جَزَٰٓؤُهُۥ مَن وُجِدَ فِي رَحۡلِهِۦ فَهُوَ جَزَٰٓؤُهُۥۚ كَذَٰلِكَ نَجۡزِي ٱلظَّٰلِمِينَ ٧٥
[The brothers] said, "Its recompense is that he in whose bag it is found - he [himself] will be its recompense.1 Thus do we recompense the wrongdoers."
Musiɗɓe Yuusufa ɓen wi'ani ɓe: Njoɓdi wujjuɗo woo e amen: wonnde kala mo ko wujjaa kon tawaa ka doŋngal mun, o jonnitay hoore-makko wujjaaɗo on fii ko maccinɗina mo. Ko wano ndin njoɓdi maccinɗingol ɗon men yoɓitirta wuyɓe ɓen.
12:76Page 244
فَبَدَأَ بِأَوۡعِيَتِهِمۡ قَبۡلَ وِعَآءِ أَخِيهِ ثُمَّ ٱسۡتَخۡرَجَهَا مِن وِعَآءِ أَخِيهِۚ كَذَٰلِكَ كِدۡنَا لِيُوسُفَۖ مَا كَانَ لِيَأۡخُذَ أَخَاهُ فِي دِينِ ٱلۡمَلِكِ إِلَّآ أَن يَشَآءَ ٱللَّهُۚ نَرۡفَعُ دَرَجَٰتٖ مَّن نَّشَآءُۗ وَفَوۡقَ كُلِّ ذِي عِلۡمٍ عَلِيمٞ ٧٦
So he began [the search] with their bags before the bag of his brother; then he extracted it from the bag of his brother. Thus did We plan for Joseph. He could not have taken his brother within the religion [i.e., law] of the king except that Allāh willed. We raise in degrees whom We will, but over every possessor of knowledge is one [more] knowing.1
Ɓe artiri ɓe ka Yuusufu fii wittugol doŋlle baaba-gootooɓe makko ɓen ado neene-gooto makko on fii suuɗugol feere nden. Refti o liñciti doŋngal neene-gooto makko on, o yaltini ton sariyaare laamɗo on. Ko wano Men fewjirani Yuusufa non feere waɗugol sariyaare nden ka doŋngal neene-gooto makko on, men fewjirani mo kadi nanngitirgol musiɗɓe makko ɓen ñaawoore leydi maɓɓe ndin, maccinɗingol wujjuɗo on. Si ɓe gollitirno ñaawoore leydi laamɗo on Misra e hoore wujjuɗo on, ɓe huutoray piggal e koondugol, si wanaa hara ko Alla muuyi feere goo, tawde ko O hattanɗo ɗum. Meɗen ɓanta martabaaji on mo Men muuyani e jeyaaɓe Amen ɓen, wano Men ɓantiri darja Yuusufa. Hino e dow kala jom-ganndal, ganndo goo ɓurɗo mo; hino e dow ganndal fow ngal kadi, ganndal Alla On annduɗo kala huunde.
12:77Page 244
۞ قَالُوٓاْ إِن يَسۡرِقۡ فَقَدۡ سَرَقَ أَخٞ لَّهُۥ مِن قَبۡلُۚ فَأَسَرَّهَا يُوسُفُ فِي نَفۡسِهِۦ وَلَمۡ يُبۡدِهَا لَهُمۡۚ قَالَ أَنتُمۡ شَرّٞ مَّكَانٗاۖ وَٱللَّهُ أَعۡلَمُ بِمَا تَصِفُونَ ٧٧
They said, "If he steals - a brother of his has stolen before." But Joseph kept it within himself and did not reveal it to them.1 He said, "You are worse in position, and Allāh is most knowing of what you describe."
Musiɗɓe Yuusufa ɓen wi'i: Si o wujjii, haawnaaki, tawde neene-gooto makko on wujjiino ado oo ɗoo wujjude -ɓe faandori ɗum Yuusufa (yo o his)- Yuusufa suuɗi mette mum e konngol maɓɓe ngol kon ka wonkii makko, o feññinanaali ɓe ɗum, o maaki e wonkii makko: Ko ngayngu mon ngun e kuuɗe mon bonɗe ɗen ado hannde, woni bone on tigiri e oo nokku. Ko Alla non ɓuri anndude ndee fefindaare mon yaltunde e mon.
12:78Page 244
قَالُواْ يَٰٓأَيُّهَا ٱلۡعَزِيزُ إِنَّ لَهُۥٓ أَبٗا شَيۡخٗا كَبِيرٗا فَخُذۡ أَحَدَنَا مَكَانَهُۥٓۖ إِنَّا نَرَىٰكَ مِنَ ٱلۡمُحۡسِنِينَ ٧٨
They said, "O ʿAzeez,1 indeed he has a father [who is] an old man, so take one of us in place of him. Indeed, we see you as a doer of good."
Musiɗɓe Yuusufa ɓen wi'ani mo: Ko an yo laamɗo on, oo no mari baabiraawo nayeeje ɗoggos mo o yiɗi moƴƴa. Ƴettu gooto e amen lonto makko. Menen men yi'ii ma jeyaaɗo e moƴƴinooɓe gollodal amen e woɗɓe goo. Moƴƴan ɗum ɗon e amen.
12:79Page 245
قَالَ مَعَاذَ ٱللَّهِ أَن نَّأۡخُذَ إِلَّا مَن وَجَدۡنَا مَتَٰعَنَا عِندَهُۥٓ إِنَّآ إِذٗا لَّظَٰلِمُونَ ٧٩
He said, "[I seek] the refuge of Allāh [to prevent] that we take except him with whom we found our possession. Indeed, we would then be unjust."
Annabi Yuusufa maaki: Yo Alla daɗndu men tooñude daɗndiiɗo ko o waɗaa. Men nannga mo jogitaaki sariyaare laamɗo on ka doŋngal mun. Haray ontuma men wonii tooñuɓe, tawde men leɓ- tii daɗndiiɗo, men acci bonɗo on.
12:80Page 245
فَلَمَّا ٱسۡتَيۡـَٔسُواْ مِنۡهُ خَلَصُواْ نَجِيّٗاۖ قَالَ كَبِيرُهُمۡ أَلَمۡ تَعۡلَمُوٓاْ أَنَّ أَبَاكُمۡ قَدۡ أَخَذَ عَلَيۡكُم مَّوۡثِقٗا مِّنَ ٱللَّهِ وَمِن قَبۡلُ مَا فَرَّطتُمۡ فِي يُوسُفَۖ فَلَنۡ أَبۡرَحَ ٱلۡأَرۡضَ حَتَّىٰ يَأۡذَنَ لِيٓ أَبِيٓ أَوۡ يَحۡكُمَ ٱللَّهُ لِيۖ وَهُوَ خَيۡرُ ٱلۡحَٰكِمِينَ ٨٠
So when they had despaired of him, they secluded themselves in private consultation. The eldest of them said, "Do you not know that your father has taken upon you an oath by Allāh and [that] before you failed in [your duty to] Joseph? So I will never leave [this] land until my father permits me or Allāh decides for me,1 and He is the best of judges.
Nde ɓe taƴinoo e jaabawol Yuusufa ngol e ko ɗaɓɓi kon, ɓe ndeesti yimɓe ɓen fii diisondiral. Mawɗo maɓɓe on wi'i: Miɗo anndintina on wonnde ben mon ƴettoduno e mon ahadi ka Alla, wonnde on artiray ɓiɗɗo makko on si wanaa hara on huuɓitira ko on hattanaa duñugol ɗum. Annditon kadi ko welsindinoɗon e Yuusufa kon, ronkuɗon hunnude ahadi mon ndin e ben mon. Min on mi yaltataa Misra haa ben am duŋanoo lam ruttagol maa Alla ñaawana lam yahdugol e musiɗɗo am on. Ko Kanko Alla ɓuri moƴƴude e ñaawooɓe ɓen, ko goonga e nunɗal O ñaawirta.
Text: Quranic Universal Library (Tarteel), via spa5k/tafsir_api (MIT), at a fixed version. The ayahs: Quran Foundation. Sources and licences