Al-Mukhtasar · Tafsir · in Fula
سبإ
Saba
Sheba · Meccan · 54 ayahs
34:1Page 428
ٱلۡحَمۡدُ لِلَّهِ ٱلَّذِي لَهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِ وَلَهُ ٱلۡحَمۡدُ فِي ٱلۡأٓخِرَةِۚ وَهُوَ ٱلۡحَكِيمُ ٱلۡخَبِيرُ ١
[All] praise is [due] to Allāh, to whom belongs whatever is in the heavens and whatever is in the earth, and to Him belongs [all] praise in the Hereafter. And He is the Wise, the Aware.
Yettoore woodanii Alla, O jeyɗo tagugol laamoo toppitoo kala ko woni kammuuli e ka leydi. Hino woodani Mo kadi mantoore ka laakara. Ko O Ñeeño e tagugol Makko e toppitagol Makko, Humpitiiɗo fiyakuuji jeyaaɓe Makko ɓen, huunde suuɗaaki Mo e ɗum.
34:2Page 428
يَعۡلَمُ مَا يَلِجُ فِي ٱلۡأَرۡضِ وَمَا يَخۡرُجُ مِنۡهَا وَمَا يَنزِلُ مِنَ ٱلسَّمَآءِ وَمَا يَعۡرُجُ فِيهَاۚ وَهُوَ ٱلرَّحِيمُ ٱلۡغَفُورُ ٢
He knows what penetrates into the earth and what emerges from it and what descends from the heaven and what ascends therein. And He is the Merciful, the Forgiving.
Himo anndi ko naatata ka leydi, immorde e ndiyam e puɗi, himo anndi kadi e yaltata e mayri, immorde e puɗi ekw. Himo anndi kadi ko jippotoo iwra ka kammu, immorde e toɓo e Malaa'ika e arsike, himo anndi kadi ko ƴawata ka kammu, immorde e Malaaika e golle jeyaaɓe Makko ɓen e pittaali maɓɓe ɗin. Ko Kanko woni Hinnotooɗo jeyaaɓe Makko gomɗimɓe ɓen, Haforanoowo junuubi kala tuubanɗo Mo.
34:3Page 428
وَقَالَ ٱلَّذِينَ كَفَرُواْ لَا تَأۡتِينَا ٱلسَّاعَةُۖ قُلۡ بَلَىٰ وَرَبِّي لَتَأۡتِيَنَّكُمۡ عَٰلِمِ ٱلۡغَيۡبِۖ لَا يَعۡزُبُ عَنۡهُ مِثۡقَالُ ذَرَّةٖ فِي ٱلسَّمَٰوَٰتِ وَلَا فِي ٱلۡأَرۡضِ وَلَآ أَصۡغَرُ مِن ذَٰلِكَ وَلَآ أَكۡبَرُ إِلَّا فِي كِتَٰبٖ مُّبِينٖ ٣
But those who disbelieve say, "The Hour will not come to us." Say, "Yes, by my Lord, it will surely come to you. [Allāh is] the Knower of the unseen." Not absent from Him is an atom's weight1 within the heavens or within the earth or [what is] smaller than that or greater, except that it is in a clear register -
Yedduɓe Alla ɓen wi'i: Darngal ngal arataa e amen fes. Maakan ɓe an Nulaaɗo: aa'a! Mi woondirii Alla! Pellet, Darngal ngal fennoton ngal aray on. Ko woni tun, ko Alla anndi ko honnde tuma. Kanko Seniiɗo On, ko O Annduɗo ko wirnii e fii Darngal ekw. Huunde suuɗaaki Mo e ɗum, hay ko fotata ñuungii ɓurngii fanɗude ka kammuulii e ka laydi. Huunde e ko ɓuri ɗum kadi fanɗude suuɗaaki Mo, wanaa ko ɓuri ɗum mawnude, si wanaa fow e mun hino maandinaa e deftere ɓanngunde, nden woni alluwal mahfuz ngal, ka huunde kala tagaande winndaa fii mun, haa Ñalnde Darngal.
34:4Page 428
لِّيَجۡزِيَ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِۚ أُوْلَٰٓئِكَ لَهُم مَّغۡفِرَةٞ وَرِزۡقٞ كَرِيمٞ ٤
That He may reward those who believe and do righteous deeds. Those will have forgiveness and noble provision.
Alla tabitinii ko O tabitini kon ka alluwal mahfuz, fii yo yoɓoy ɓen gomɗinnooɓe Alla, ɓe golli golle moƴƴe. Ɓen siforiiɓe ɗin sifaaji, hino woodani ɓe ka Alla, haforaneede junuubi, ɗi ɓe nanngitirtaake, e arsike tedduɗo, on woni Aljannaaji Makko ɗin, Ñalnde Darngal.
34:5Page 428
وَٱلَّذِينَ سَعَوۡ فِيٓ ءَايَٰتِنَا مُعَٰجِزِينَ أُوْلَٰٓئِكَ لَهُمۡ عَذَابٞ مِّن رِّجۡزٍ أَلِيمٞ ٥
But those who strive against Our verses [seeking] to cause failure1 - for them will be a painful punishment of foul nature.
Ɓen tiinnoaytooɓe bonnitugol ko Alla jippini kon e Aayeeje, ɓe wi'a ɗe: mbilew, ɓe wi'a Nulaaɗo Amen on: ndure, mbile e ndaaroowo. Ɓen siforiiɓe ɗin sifaaji, hino woodni ɓe Ñalnde Darngal, ko ɓuri bonnde e lepte.
34:6Page 428
وَيَرَى ٱلَّذِينَ أُوتُواْ ٱلۡعِلۡمَ ٱلَّذِيٓ أُنزِلَ إِلَيۡكَ مِن رَّبِّكَ هُوَ ٱلۡحَقَّ وَيَهۡدِيٓ إِلَىٰ صِرَٰطِ ٱلۡعَزِيزِ ٱلۡحَمِيدِ ٦
And those who have been given knowledge see that what is revealed to you from your Lord is the truth, and it guides to the path of the Exalted in Might, the Praiseworthy.
Sahaabaaɓe okkaaɓe ganndal ɓen, e kala gomɗinɗo e seeremɓe yimɓe Defte ɓen, wonnde nden nde Alla jippiniri e maaɗa wahayu, ko kayre woni goonga nde sikke alaa e mu'un, e wonnde hinde fewnira e laawol Fooluɗo Mo gooto foolataa On, Yettiniiɗo aduna e laakara.
34:7Page 428
وَقَالَ ٱلَّذِينَ كَفَرُواْ هَلۡ نَدُلُّكُمۡ عَلَىٰ رَجُلٖ يُنَبِّئُكُمۡ إِذَا مُزِّقۡتُمۡ كُلَّ مُمَزَّقٍ إِنَّكُمۡ لَفِي خَلۡقٖ جَدِيدٍ ٧
But those who disbelieve say, "Shall we direct you to a man who will inform you [that] when you have disintegrated in complete disintegration, you will [then] be [recreated] in a new creation?
Yedduɓe Alla ɓen kadi wi'irani yoga maɓɓe kaawasee e jalkitugol ko Nulaaɗo on addi kon: E on accay men tinndina on fii gorko, mo no humpita on, wonnde si on maayii, on muncitiraama ceeki ceeki, ko on immintinteeɓe?
34:8Page 429
أَفۡتَرَىٰ عَلَى ٱللَّهِ كَذِبًا أَم بِهِۦ جِنَّةُۢۗ بَلِ ٱلَّذِينَ لَا يُؤۡمِنُونَ بِٱلۡأٓخِرَةِ فِي ٱلۡعَذَابِ وَٱلضَّلَٰلِ ٱلۡبَعِيدِ ٨
Has he invented about Allāh a lie or is there in him madness?" Rather, they who do not believe in the Hereafter will be in the punishment and [are in] extreme error.
Ɓe wi'i: Hara oo gorko fefindor fenaande e hoore Alla aaƴagol ummital men ɓaawo maayde? Kaa hara ko feetere woni mo defude e wiide ɗum? Oo'oo, wanaa no ɓe sikkiri non ! Si ko woni, ɓe gomɗinaaɓe ɓen laakara, ɓe wonoyay e lepte tiiɗuɗe Ñalnde Darngal, ɓe wonii e majjere woɗɗundi goonga ka aduna ɗoo.
34:9Page 429
أَفَلَمۡ يَرَوۡاْ إِلَىٰ مَا بَيۡنَ أَيۡدِيهِمۡ وَمَا خَلۡفَهُم مِّنَ ٱلسَّمَآءِ وَٱلۡأَرۡضِۚ إِن نَّشَأۡ نَخۡسِفۡ بِهِمُ ٱلۡأَرۡضَ أَوۡ نُسۡقِطۡ عَلَيۡهِمۡ كِسَفٗا مِّنَ ٱلسَّمَآءِۚ إِنَّ فِي ذَٰلِكَ لَأٓيَةٗ لِّكُلِّ عَبۡدٖ مُّنِيبٖ ٩
Then, do they not look at what is before them and what is behind them of the heaven and earth? If We should will, We could cause the earth to swallow them or [could] let fall upon them fragments from the sky. Indeed in that is a sign for every servant turning back [to Allāh].
E ɓee fennooɓe yi'aali e ummital, ko woni yeeso maɓɓe imoorde ka leydi, ɓe yi'a ko woni ɓaawo maɓɓe immorde ka kammu? Ɓe anndi si Men muuyuno munnidugol leydi ndin ley koyɗe maɓɓe, Men waɗayno ɗum, e wonnde si Men muuyuno fukkinnde e hoore maɓɓe, taƴontine immorde ka kammu, Men waɗayno ɗum kadi. Wonii e ɗum, maande pellital, wonannde kala jeyaaɗo ɗuuɗuɗo ruttagol e ɗoftaare Joomi mun, dallinoroowo ɗum e kattal Makko. Hattanɗo ɗum On, hino hattani kadi wuurnitugol on ɓaawo maayde mon, e bonnitugol ɓanlli mon.
34:10Page 429
۞ وَلَقَدۡ ءَاتَيۡنَا دَاوُۥدَ مِنَّا فَضۡلٗاۖ يَٰجِبَالُ أَوِّبِي مَعَهُۥ وَٱلطَّيۡرَۖ وَأَلَنَّا لَهُ ٱلۡحَدِيدَ ١٠
And We certainly gave David from Us bounty. [We said], "O mountains, repeat [Our] praises with him, and the birds [as well]." And We made pliable for him iron,
Gomɗii Men okkii Daawuuda (yo o his), annabaaku e laamu, immorde e Amen. Men daalani pelle ɗen: Ko onon yo pelle, ruttodee e Daawuuda subbunhinaango ngon, Men daalirani non colli ɗin. Men eltani mo njamndi ndin, no newori, fii no o tafiran ndi kala ko faalaa e duncitorɗum.
34:11Page 429
أَنِ ٱعۡمَلۡ سَٰبِغَٰتٖ وَقَدِّرۡ فِي ٱلسَّرۡدِۖ وَٱعۡمَلُواْ صَٰلِحًاۖ إِنِّي بِمَا تَعۡمَلُونَ بَصِيرٞ ١١
[Commanding him], "Make full coats of mail and calculate [precisely] the links, and work [all of you] righteousness. Indeed I, of what you do, am Seeing."
Men wi'ani Daawuuda: Gollu wutteeji yaajuɗi, ko haɓanooɓe ma ɓen daɗnditora ayɓe maɓɓe, eɓɓiraa dolokkaaji njamndi ɗin no hawrira, haa hara ɗi sottataa, maa tekkiniraa ɗi haa hara ɗi ɓoornotaako. Gollon golle moƴƴe, tawde pellet, Ko Mi Reenuɗo ko golloton kon. Huunde suuɗaaki Lam e ɗum, Ma Mi yoɓitoy on njoɓdi golle mon.
34:12Page 429
وَلِسُلَيۡمَٰنَ ٱلرِّيحَ غُدُوُّهَا شَهۡرٞ وَرَوَاحُهَا شَهۡرٞۖ وَأَسَلۡنَا لَهُۥ عَيۡنَ ٱلۡقِطۡرِۖ وَمِنَ ٱلۡجِنِّ مَن يَعۡمَلُ بَيۡنَ يَدَيۡهِ بِإِذۡنِ رَبِّهِۦۖ وَمَن يَزِغۡ مِنۡهُمۡ عَنۡ أَمۡرِنَا نُذِقۡهُ مِنۡ عَذَابِ ٱلسَّعِيرِ ١٢
And to Solomon [We subjected] the wind - its morning [journey was that of] a month - and its afternoon [journey was that of] a month, and We made flow for him a spring of [liquid] copper. And among the jinn were those who worked for him by the permission of his Lord. And whoever deviated among them from Our command - We will make him taste of the punishment of the Blaze.
Men eltani kadi Sulaymaana geɗal Daawuuda (yo ɓe his), henndu ndun: tawi hindu yaara dawol bimmbi, yeru ka yaaretee lewru, ndu kirndira kadi yeru ka yaaretee lewru. Men honcinani ɓundu njamndi sila, fii ka o tafira sila on, kala ko o yiɗi. Men waɗi e ngeɗu makko, jinnaaji golliraynooɗi yeeso makko, immorde e yamiroore Joomi makko. Kala ooñinoongii e ko Men yamiri ngii gollugol kon, Men meeɗinayno ngii e lepte Yiite dulɓoowe ngen.
34:13Page 429
يَعۡمَلُونَ لَهُۥ مَا يَشَآءُ مِن مَّحَٰرِيبَ وَتَمَٰثِيلَ وَجِفَانٖ كَٱلۡجَوَابِ وَقُدُورٖ رَّاسِيَٰتٍۚ ٱعۡمَلُوٓاْ ءَالَ دَاوُۥدَ شُكۡرٗاۚ وَقَلِيلٞ مِّنۡ عِبَادِيَ ٱلشَّكُورُ ١٣
They made for him what he willed of elevated chambers,1 statues,2 bowls like reservoirs, and stationary kettles. [We said], "Work, O family of David, in gratitude." And few of My servants are grateful.
Ɗin jinnaaji hino gollana Annabi Sulaymaana ko o faalaa: gila e mahugol juulirɗe e kuɓeeje, e nate, e looɗe nannditayɗe e beeli ndiyam, e payanɗe defirɗe feŋiiɗe ɗe sottirtaa teddeendi majje. Men daalani ɓe: Onon ɓeynguure Daawuuda, golliree yettugol Alla, e ko O neemini e mon kon. Tawde fanɗii e jeyaaɓe Am ɓen, yettirooɓe Lam ko Mi neemini e maɓɓe kon.
34:14Page 429
فَلَمَّا قَضَيۡنَا عَلَيۡهِ ٱلۡمَوۡتَ مَا دَلَّهُمۡ عَلَىٰ مَوۡتِهِۦٓ إِلَّا دَآبَّةُ ٱلۡأَرۡضِ تَأۡكُلُ مِنسَأَتَهُۥۖ فَلَمَّا خَرَّ تَبَيَّنَتِ ٱلۡجِنُّ أَن لَّوۡ كَانُواْ يَعۡلَمُونَ ٱلۡغَيۡبَ مَا لَبِثُواْ فِي ٱلۡعَذَابِ ٱلۡمُهِينِ ١٤
And when We decreed for him [i.e., Solomon] death, nothing indicated to them [i.e., the jinn] his death except a creature of the earth eating his staff.1 But when he fell, it became clear to the jinn that if they had known the unseen, they would not have remained in humiliating punishment.2
Nde Men ñaawunoo e Sulaymaana maayugol, anndinaano jinnaaji ɗin wonnde o maayii, si wanaa gannguuji leydi ɗin, hiɗi ñaamaynoo tuggordu makko ndu o soɓɓindornoo ndun. Nde o fukkunoo, feeñani jinnaaji ɗin, wonnde pellet, ɗi anndaa ko wirnii. Tawde si ɗi annduunoo ɗum, ɗi ñiiɓataano e lepte hoynaɗe fii majji, ɗen woni golle saɗtuɗe, ɗe ɗi wonunoo e gollannde Annabai Sulaymaana, sikkugol haa ontuma nun, himo wuuri, himo ayniti ɗi.
34:15Page 430
لَقَدۡ كَانَ لِسَبَإٖ فِي مَسۡكَنِهِمۡ ءَايَةٞۖ جَنَّتَانِ عَن يَمِينٖ وَشِمَالٖۖ كُلُواْ مِن رِّزۡقِ رَبِّكُمۡ وَٱشۡكُرُواْ لَهُۥۚ بَلۡدَةٞ طَيِّبَةٞ وَرَبٌّ غَفُورٞ ١٥
There was for [the tribe of] Saba’ in their dwelling place a sign: two [fields of] gardens on the right and on the left. [They were told], "Eat from the provisions of your Lord and be grateful to Him. A good land [have you], and a forgiving Lord."
Gomɗii wonaniino gorol Saba'i ngol e koɗooli maɓɓe ɗin, maande feeñinnde kattal Alla e neema Makko on hoore-maɓɓe. Ɗum le ko gese ɗiɗi: ngesa goo no senngo ñaamo, ngoya ngon no senngo nano. Men wi'ani ɓe: Ñaamee e arsike Joomi mon, yetton Mo e ko O neemini e mon kon. Ndii leydi ko laaɓundi, Alla Oo ko Joomiraawo Haforoowo, Himo hafra junuubi kala tuubanɗo Mo.
34:16Page 430
فَأَعۡرَضُواْ فَأَرۡسَلۡنَا عَلَيۡهِمۡ سَيۡلَ ٱلۡعَرِمِ وَبَدَّلۡنَٰهُم بِجَنَّتَيۡهِمۡ جَنَّتَيۡنِ ذَوَاتَيۡ أُكُلٍ خَمۡطٖ وَأَثۡلٖ وَشَيۡءٖ مِّن سِدۡرٖ قَلِيلٖ ١٦
But they turned away [refusing], so We sent upon them the flood of the dam,1 and We replaced their two [fields of] gardens with gardens of bitter fruit, tamarisks and something of sparse lote trees.
Kono ɓe ɗuurnii e yettugol Alla ngol e gomɗingol Nulaaɗo Makko on. Men leptii ɓe waɗtitirgol neema maɓɓe on wororde. Men wurti e maɓɓe ndiyam waame, ɗam yooli gese maɓɓe ɗen. Men wostinii- ɓe gese maɓɓe ɗen ɗiɗi, gese goo ɗiɗi, marɗe dimɗe haaɗuɗe, e leɗɗe duɓɓeeje ɗe rimataa, e huunde seeɗaare e jaaɓe.
34:17Page 430
ذَٰلِكَ جَزَيۡنَٰهُم بِمَا كَفَرُواْۖ وَهَلۡ نُجَٰزِيٓ إِلَّا ٱلۡكَفُورَ ١٧
[By] that We repaid them because they disbelieved. And do We [thus] repay except the ungrateful?
Nden waɗtitaneede neema maɓɓe, ko sabu yeddugol maɓɓe ngol ɗuurnoo e yettugol neema on. Men yagginirtaa ndee yagginannde saɗtunde, si wanaa yedduɓe neemaaji Alla ɗin, yedduɓe Mo ɓen.
34:18Page 430
وَجَعَلۡنَا بَيۡنَهُمۡ وَبَيۡنَ ٱلۡقُرَى ٱلَّتِي بَٰرَكۡنَا فِيهَا قُرٗى ظَٰهِرَةٗ وَقَدَّرۡنَا فِيهَا ٱلسَّيۡرَۖ سِيرُواْ فِيهَا لَيَالِيَ وَأَيَّامًا ءَامِنِينَ ١٨
And We placed between them and the cities which We had blessed1 [many] visible cities. And We determined between them the [distances of] journey,2 [saying], "Travel between them by night or by day in safety."
Men waɗi hakkunde yimɓe Saba'i ɓen Yaman e koɗooli Saami ɗin ɗi Men barkini, koɗooli ɓaɗondirɗi. Men eɓɓiri ton yaadu ndun, ka tawata ɓe yaaray hoɗo naɓi hoɗo, ko aldaa e tammpere, haa ɓe hewtoya Saami. Men wi'ani ɓe: Yaaree ton no faaliraɗon, jemma e ñalorma, hara ko o hoolniiɓe daɗugol ayɓe e heege e ɗonka.
34:19Page 430
فَقَالُواْ رَبَّنَا بَٰعِدۡ بَيۡنَ أَسۡفَارِنَا وَظَلَمُوٓاْ أَنفُسَهُمۡ فَجَعَلۡنَٰهُمۡ أَحَادِيثَ وَمَزَّقۡنَٰهُمۡ كُلَّ مُمَزَّقٍۚ إِنَّ فِي ذَٰلِكَ لَأٓيَٰتٖ لِّكُلِّ صَبَّارٖ شَكُورٖ ١٩
But [insolently] they said, "Our Lord, lengthen the distance between our journeys," and wronged themselves, so We made them narrations1 and dispersed them in total dispersion. Indeed in that are signs for everyone patient and grateful.
Ɓe dullirani neema Alla ɓaɗtinireede hakkunde maɓɓe on, ɓe wi'i: Joomi amen, woɗɗin hakkunde hoɗo amen ngon e ɗiya koɗooli, fii no men meeɗira ronkere setagol, hitte mbaɗɗuuji amen ɗin. Ɓe tooñiri ko'e maɓɓe, dullangol neema Alla on e ɗuurnagol gaay yettugol Mo e haasagol ɓe waasuɓe ɓen e maɓɓe. Menen kadi Men waɗti ɓe yewteteeɓe fii mun ɓaawo maɓɓe. Men sennditiri ɓe e leydi ndin fow, haa tawi ɓe jokkondirtaa hakkunde maɓɓe. Pellet, wonii e ko jantaa koo, e neema yimɓe Saba'i ɓen, refti ko ɓe yagginiraa kon sabu geddi e dullere maɓɓe nden, tasakuyee, wonande kala muññiiɗo e ɗoftagol Alla, haɗitoo e yeddugol Mo, yettoowo neema Alla on e mun.
34:20Page 430
وَلَقَدۡ صَدَّقَ عَلَيۡهِمۡ إِبۡلِيسُ ظَنَّهُۥ فَٱتَّبَعُوهُ إِلَّا فَرِيقٗا مِّنَ ٱلۡمُؤۡمِنِينَ ٢٠
And Iblees had already confirmed through them1 his assumption,2 so they followed him, except for a party of believers.
Gomɗii Ibuliisa goonginii ko o jikkunoo wonnde o waaway majjinnde ɓe e goonga kan. Ɓe jokki mo ka keeferaaku e ka majjere, si wanaa fedde jeyaande e gomɗimɓe ɓen; jikke maɓɓe boni e ɓen ɗon, nde ɓe ronkunoo jokkude mo.
34:21Page 430
وَمَا كَانَ لَهُۥ عَلَيۡهِم مِّن سُلۡطَٰنٍ إِلَّا لِنَعۡلَمَ مَن يُؤۡمِنُ بِٱلۡأٓخِرَةِ مِمَّنۡ هُوَ مِنۡهَا فِي شَكّٖۗ وَرَبُّكَ عَلَىٰ كُلِّ شَيۡءٍ حَفِيظٞ ٢١
And he had over them no authority except [it was decreed] that We might make evident who believes in the Hereafter from who is thereof in doubt. And your Lord, over all things, is Guardian.1
Ibuliisa alanaa ɓe cemmbe, ɗe o wurtirta ɓe e majjere. Ko o woni cuɗirande ɓe o hoomtaɓe e majjere ndee, ko ko Men duŋorani mo, fii no Men senndindira hakkunde on gomɗinɗo laakara e njoɓdi mun e on wonɗo e sikke fii laakara. Joomi maa non, an Nulaaɗo, e dow kala huunde, ko O reenuɗo: Himo mofti golle jeyaaɓe Makko ɓen, O yoɓitoyay ɓe e ɗum.
34:22Page 430
قُلِ ٱدۡعُواْ ٱلَّذِينَ زَعَمۡتُم مِّن دُونِ ٱللَّهِ لَا يَمۡلِكُونَ مِثۡقَالَ ذَرَّةٖ فِي ٱلسَّمَٰوَٰتِ وَلَا فِي ٱلۡأَرۡضِ وَمَا لَهُمۡ فِيهِمَا مِن شِرۡكٖ وَمَا لَهُۥ مِنۡهُم مِّن ظَهِيرٖ ٢٢
Say, [O Muḥammad], "Invoke those you claim [as deities] besides Allāh." They do not possess an atom's weight [of ability] in the heavens or on the earth, and they do not have therein any partnership [with Him], nor is there for Him from among them any assistant.
An Nulaaɗo, maakan ɓee sirkooɓe: Noddee ɗin ɗi aaƴiɗon wonnde ko reweteeɗi mo gaanin Alla, fii yo ɗi pooɗan on nafa maa ɗi duñana on lorra. Anndon tun, ɗin jeyaa ko fotata wa abbere jarra, ka kammuulii wanaa ka leydi. Alanaa ɗi kadi dennda- daaɗo e ɗin kammuuli e ndin leydi, kafidugol e Alla e jeygol ɗi. Alla kan, alanaa Mo hay wallondirteeɗo Ko O yondindroɗo e kafideede maa wallindireede.
34:23Page 431
وَلَا تَنفَعُ ٱلشَّفَٰعَةُ عِندَهُۥٓ إِلَّا لِمَنۡ أَذِنَ لَهُۥۚ حَتَّىٰٓ إِذَا فُزِّعَ عَن قُلُوبِهِمۡ قَالُواْ مَاذَا قَالَ رَبُّكُمۡۖ قَالُواْ ٱلۡحَقَّۖ وَهُوَ ٱلۡعَلِيُّ ٱلۡكَبِيرُ ٢٣
And intercession does not benefit with Him except for one whom He permits. [And those wait] until, when terror is removed from their hearts,1 they will say [to one another], "What has your Lord said?" They will say, "The truth." And He is the Most High, the Grand.
Tefoore woo nafataa ka Seniiɗo On, si wanaa on Mo O duŋanii. Alla duŋantaako non tefoore, si wanaa mo O weltanii. Ɗum ko sabu Mawngu Makko ngun, hino jeyaa e maggu: wonnde si O daalii konngol ka kammu, Malaa'ikaaɓe ɓen jolitaniray gabbitanji(bibje) mun ɗin yankinangol daalol Makko ngol. Wonira non haa si ɗenƴere nden huncaama e ɓerɗe maɓɓe ɗen, ɓe lamndoo Jibiriilu: Ko honɗum Joomi mon daali? O jaaboo ɓe: Ko goonga O daali; ko Kanko woni Toowuɗo e Jaati Mun e Poolal Mun, Mawnuɗo Mo huunde kala woni ley Mun.
34:24Page 431
۞ قُلۡ مَن يَرۡزُقُكُم مِّنَ ٱلسَّمَٰوَٰتِ وَٱلۡأَرۡضِۖ قُلِ ٱللَّهُۖ وَإِنَّآ أَوۡ إِيَّاكُمۡ لَعَلَىٰ هُدًى أَوۡ فِي ضَلَٰلٖ مُّبِينٖ ٢٤
Say, "Who provides for you from the heavens and the earth?" Say, "Allāh. And indeed, we or you are either upon guidance or in clear error."
An Nulaaɗo, maakan ɓee sirkooɓe: Ko hombo woni arsikinoowo ka kammuuli ndiyam, e ka leydi puɗi e demal e dimɗe? Maaku: Ko Alla arsikata on e ɗin ɗiɗi. Ko si ko menen maa onon ɓee sirkooɓe, goɗɗo e men hino e peewal maa e nder majjere ɓanngunde, sikke alaa e mu'un. Awa le, sikke woo alaa wonnde ko yimɓe peewal ɓen woni gomɗimɓe ɓen, yimɓe majjere ɓen woni sirkooɓe ɓen.
34:25Page 431
قُل لَّا تُسۡـَٔلُونَ عَمَّآ أَجۡرَمۡنَا وَلَا نُسۡـَٔلُ عَمَّا تَعۡمَلُونَ ٢٥
Say, "You will not be asked about what we committed, and we will not be asked about what you do."
Maakan ɓe an Nulaaɗo: On lamnditoytaake Ñalnde Darngal, fii junuubi amen ɗi men faggitii, menen kadi men lamndoytaake fii ko huuwoton.
34:26Page 431
قُلۡ يَجۡمَعُ بَيۡنَنَا رَبُّنَا ثُمَّ يَفۡتَحُ بَيۡنَنَا بِٱلۡحَقِّ وَهُوَ ٱلۡفَتَّاحُ ٱلۡعَلِيمُ ٢٦
Say, "Our Lord will bring us together; then He will judge between us in truth. And He is the Knowing Judge."1
Maakan ɓen: Alla renndinoyay en fow Ñalnde Darngal, refti O ñaawira hakkunde men nunɗal: O feññina goonguɗo e meerenteejo on. Ko Kanko woni Ñaawiroowo nunɗal On, Annduɗo ko ñaawata.
34:27Page 431
قُلۡ أَرُونِيَ ٱلَّذِينَ أَلۡحَقۡتُم بِهِۦ شُرَكَآءَۖ كـَلَّاۚ بَلۡ هُوَ ٱللَّهُ ٱلۡعَزِيزُ ٱلۡحَكِيمُ ٢٧
Say, "Show me those whom you have attached to Him as partners. No! Rather, He [alone] is Allāh, the Exalted in Might, the Wise."
Maakan ɓe an Nulaaɗo: Hollee lam ɗin ɗi kafidu-ɗon e Alla ka dewal. Wanaa non woniri! Si ko woni goonga, Ko Kanko Alla woni Fooluɗo Mo gooto foolataa, Ñeeñuɗo e tagu Mun e kattal Mun e toppitagol Mun.
34:28Page 431
وَمَآ أَرۡسَلۡنَٰكَ إِلَّا كَآفَّةٗ لِّلنَّاسِ بَشِيرٗا وَنَذِيرٗا وَلَٰكِنَّ أَكۡثَرَ ٱلنَّاسِ لَا يَعۡلَمُونَ ٢٨
And We have not sent you except comprehensively1 to mankind as a bringer of good tidings and a warner. But most of the people do not know.
Men nuliraali ma an Nulaaɗo, si wanaa yimɓe ɓen fow: wewliniroowo gomɗuɓe ɓen Aljanna, e jertiniroowo heefereɓe e bomɓe ɓen Yiite. Kono ko ɓuri ɗuuɗude e yimɓe ɓen, ɓe anndaa ɗum. Tawde si ɓe anndunoo, ɓe fennataano ma.
34:29Page 431
وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ ٢٩
And they say, "When is this promise, if you should be truthful?"
Sirkooɓe ɓen no wi'ira hawjanngol lepte ɗe ɓe wonaa jertinireede ɗen: Ko honnde tuma woni fii ndee fodoore lepte, si on wonii ko goonguɓe e ko nodditotoɗon?
34:30Page 431
قُل لَّكُم مِّيعَادُ يَوۡمٖ لَّا تَسۡتَـٔۡخِرُونَ عَنۡهُ سَاعَةٗ وَلَا تَسۡتَقۡدِمُونَ ٣٠
Say, "For you is the appointment of a Day [when] you will not remain thereafter an hour, nor will you precede [it]."
An Nulaaɗo, maakan ɓee sirkooɓe hawjan ɓe lepte: Hino woodani fodoore ñalaande happaande, nde on nennitantaake e mayre fotde saa'i gooto, on ardintinantaake nde kadi yeru ɗum. Ko nden woni Ñalnde Darngal.
34:31Page 431
وَقَالَ ٱلَّذِينَ كَفَرُواْ لَن نُّؤۡمِنَ بِهَٰذَا ٱلۡقُرۡءَانِ وَلَا بِٱلَّذِي بَيۡنَ يَدَيۡهِۗ وَلَوۡ تَرَىٰٓ إِذِ ٱلظَّٰلِمُونَ مَوۡقُوفُونَ عِندَ رَبِّهِمۡ يَرۡجِعُ بَعۡضُهُمۡ إِلَىٰ بَعۡضٍ ٱلۡقَوۡلَ يَقُولُ ٱلَّذِينَ ٱسۡتُضۡعِفُواْ لِلَّذِينَ ٱسۡتَكۡبَرُواْ لَوۡلَآ أَنتُمۡ لَكُنَّا مُؤۡمِنِينَ ٣١
And those who disbelieve say, "We will never believe in this Qur’ān nor in that before it." But if you could see when the wrongdoers are made to stand before their Lord, refuting each others' words...1 Those who were oppressed will say to those who were arrogant, "If not for you, we would have been believers."
Yedduɓe Alla ɓen wi'i: "Men gomɗintaa ndee Alxur'aanaare nde Muhammadu aaƴii wonnde ko jippinaande e makko, men gomɗintaa kadi Defte jippinooɗe ɗen ado mayre. Sinno a tinayno an Nulaaɗo, tuma nde tooñuɓe ɓen haɓɓaa ka Joomi maɓɓe Ñalnde Darngal fii hasbeede, hara haala kan no yiltindiree hakkunde maɓɓe, woɗɓe e maɓɓe bugo feloore nde e ɓeya. Waawanooɓe lo'inanooɓe ɓen wi'ana hooreeɓe maɓɓe lo'inunooɓe ɓen aduna: Si wanaano fii on majjinii men, men gomɗinayno Alla e Nulaaɗo Makko on.
34:32Page 432
قَالَ ٱلَّذِينَ ٱسۡتَكۡبَرُواْ لِلَّذِينَ ٱسۡتُضۡعِفُوٓاْ أَنَحۡنُ صَدَدۡنَٰكُمۡ عَنِ ٱلۡهُدَىٰ بَعۡدَ إِذۡ جَآءَكُمۖ بَلۡ كُنتُم مُّجۡرِمِينَ ٣٢
Those who were arrogant will say to those who were oppressed, "Did we avert you from guidance after it had come to you? Rather, you were criminals."
Waawunooɓe townitaninooɓe goonga ɓen wi'ani waawanooɓe lo'inanooɓe ɓen: E ko menen haɗunoo on feewirgol ko Muhammadu addi kon? onon kay, on woniino tooñuɓe e bomɓe bonnooɓe.
34:33Page 432
وَقَالَ ٱلَّذِينَ ٱسۡتُضۡعِفُواْ لِلَّذِينَ ٱسۡتَكۡبَرُواْ بَلۡ مَكۡرُ ٱلَّيۡلِ وَٱلنَّهَارِ إِذۡ تَأۡمُرُونَنَآ أَن نَّكۡفُرَ بِٱللَّهِ وَنَجۡعَلَ لَهُۥٓ أَندَادٗاۚ وَأَسَرُّواْ ٱلنَّدَامَةَ لَمَّا رَأَوُاْ ٱلۡعَذَابَۚ وَجَعَلۡنَا ٱلۡأَغۡلَٰلَ فِيٓ أَعۡنَاقِ ٱلَّذِينَ كَفَرُواْۖ هَلۡ يُجۡزَوۡنَ إِلَّا مَا كَانُواْ يَعۡمَلُونَ ٣٣
Those who were oppressed will say to those who were arrogant, "Rather, [it was your] conspiracy of night and day when you were ordering us to disbelieve in Allāh and attribute to Him equals." But they will [all] confide regret when they see the punishment; and We will put shackles on the necks of those who disbelieved. Will they be recompensed except for what they used to do?
Sukkunooɓe ɓen wi'ana hooreeɓe maɓɓe lo'inunu ɓe townitaniiɓe goonga ɓen: Si ko woni, on sakkor-falina- men e peewal ngal, pewje mon jemma e ñalorma ɗen, fewndo yamiraynoɗon men yeddugol Alla, rewa tagaaɓe goo gaanin Makko. Ɓe suuɗi ninse keeferaaku maɓɓe ngun aduna, nde ɓe yi'unoo lepte ɗen, ɓe yananaa wonnde ko ɓe lepteteeɓe. Men waɗi kolombooje e daaɗe yedduɓe ɓen. Ɓe yoɓitiraaka ndii njoɓdi, si wanaa sabu ko ɓe huuwaynoo kon aduna, e rewugol ko woori Alla, faggitoo geddi.
34:34Page 432
وَمَآ أَرۡسَلۡنَا فِي قَرۡيَةٖ مِّن نَّذِيرٍ إِلَّا قَالَ مُتۡرَفُوهَآ إِنَّا بِمَآ أُرۡسِلۡتُم بِهِۦ كَٰفِرُونَ ٣٤
And We did not send into a city any warner except that its affluent said, "Indeed we, in that with which you were sent, are disbelievers."
Men imminaali nulaaɗo e saare, mo no hulɓinira ɓe lepte Alla ɗen, si wanaa neeminaaɓe maɓɓe joomiraaɓe cemmbe e muyba e jawle ɓen wi'ay: Menen ko men yedduɓe ko imminiraɗon kon, onon nulaaɓe ɓen.
34:35Page 432
وَقَالُواْ نَحۡنُ أَكۡثَرُ أَمۡوَٰلٗا وَأَوۡلَٰدٗا وَمَا نَحۡنُ بِمُعَذَّبِينَ ٣٥
And they1 said, "We are more [than the believers] in wealth and children, and we are not to be punished."
Muybuɓe maɓɓe ɓen haawiti hino mantoo wi'a: Ko menen ɓuri ɗuuɗude jawle e jiidi. Kadi, ko aaƴiɗon kon wonnde men leptete, ko fenaande. Men wonaali lepteteeɓe aduna, wanaa fii laakara.
34:36Page 432
قُلۡ إِنَّ رَبِّي يَبۡسُطُ ٱلرِّزۡقَ لِمَن يَشَآءُ وَيَقۡدِرُ وَلَٰكِنَّ أَكۡثَرَ ٱلنَّاسِ لَا يَعۡلَمُونَ ٣٦
Say, "Indeed, my Lord extends provision for whom He wills and restricts [it], but most of the people do not know."
An Nulaaɗo, maakan ɓee mantorɓe neema mo ɓe okkaa: Joomi am Seniiɗo On, Himo yaññana arsike on, on mo O muuyi, fii ndaarndagol si ontigi yettay Mo maa si o yedday. Himo ɓillina kadi mo O muuyani, fii jarribagol si ontigi muññoto maa o tikkiray. Kono ɓurrɓe ɗuuɗude e yimɓe ɓen, ɓe anndaa wonnde Alla ko Ñeeño: O eɓɓirtaa huunde, si wanaa ñeeñal yottiingal, heddoo ko hommbo faamata ngal e ko hommbo majjetee ngal.
34:37Page 432
وَمَآ أَمۡوَٰلُكُمۡ وَلَآ أَوۡلَٰدُكُم بِٱلَّتِي تُقَرِّبُكُمۡ عِندَنَا زُلۡفَىٰٓ إِلَّا مَنۡ ءَامَنَ وَعَمِلَ صَٰلِحٗا فَأُوْلَٰٓئِكَ لَهُمۡ جَزَآءُ ٱلضِّعۡفِ بِمَا عَمِلُواْ وَهُمۡ فِي ٱلۡغُرُفَٰتِ ءَامِنُونَ ٣٧
And it is not your wealth or your children that bring you nearer to Us in position, but it is [by being] one who has believed and done righteousness. For them there will be the double reward for what they did, and they will be in the upper chambers [of Paradise], safe [and secure].
Wanaa jawle mon, wanaa jiidi mon ndi mantorton, woni ko ɓaɗnata on e welayee Alla. Kala non gomɗimɓe Alla, ɓe golli golle moƴƴe, ɓe dañay njoɓdi sowaandi. Jawle ɗen, ko nafqirgol ɗe fii laawol Alla ɓadnata ɗe ka Alla, jiidi ndin kadi, ko si ɓe du'anike ontigi. Ɓen gomɗimɓe ɓe golli golle moƴƴe, hino woodani ɓe njoɓdi sowaandi, sabu ko ɓe golli moƴƴuɗi kon. Kamɓe ka kuɓeeje Aljanna toowuɗe, ko ɓe hooliiɓe, ɓe hulaa lepte e maayde e dartagol neema.
34:38Page 432
وَٱلَّذِينَ يَسۡعَوۡنَ فِيٓ ءَايَٰتِنَا مُعَٰجِزِينَ أُوْلَٰٓئِكَ فِي ٱلۡعَذَابِ مُحۡضَرُونَ ٣٨
And the ones who strive against Our verses to cause [them] failure1 - those will be brought into the punishment [to remain].
Ɓen yedduɓe tiiɗnorayɓe haɗtirde e tiiɗnagl no yiilira yimɓe ɓen e Aajeeye Amen ɗen, ɓe etoo no faandundeeji maɓɓe laatora, ɓen ko hayruɓe aduna, leptoyteeɓe laakara.
34:39Page 432
قُلۡ إِنَّ رَبِّي يَبۡسُطُ ٱلرِّزۡقَ لِمَن يَشَآءُ مِنۡ عِبَادِهِۦ وَيَقۡدِرُ لَهُۥۚ وَمَآ أَنفَقۡتُم مِّن شَيۡءٖ فَهُوَ يُخۡلِفُهُۥۖ وَهُوَ خَيۡرُ ٱلرَّٰزِقِينَ ٣٩
Say, "Indeed, my Lord extends provision for whom He wills of His servants and restricts [it] for him. But whatever thing you spend [in His cause] - He will compensate it; and He is the best of providers."
Maaku an Nulaaɗo: Pellet, Joomi am Seniiɗo On, Himo yaññana arsike on, mo O muuyani e jeyaaɓe Makko ɓen, O ɓillina mo O muuyi e maɓɓe. Kala non ko wintorɗon e huunde, fii laawol Alla, haray Alla lontinniranay on nde aduna, yeɗugol on ko ɓuri ɗum, e mbarjaari teddundi ka laakara. Ko Kanko Alla woni Moƴƴo Arsikoowo. Mo ɗaɓɓay arsike, yo O fewtu Mo Kanko.
34:40Page 433
وَيَوۡمَ يَحۡشُرُهُمۡ جَمِيعٗا ثُمَّ يَقُولُ لِلۡمَلَٰٓئِكَةِ أَهَٰٓؤُلَآءِ إِيَّاكُمۡ كَانُواْ يَعۡبُدُونَ ٤٠
And [mention] the Day when He will gather them all and then say to the angels, "Did these [people] used to worship you?"
Janto an Nulaaɗo, ñalnde Alla mooɓtindiroyta ɓe few maɓɓe, refti O daalirana Malaaikaaɓe ɓen ŋermugol fela sirkooɓe ɓen: E ko onon woni ko ɓee rewaynoo aduna, ko woori Alla?
34:41Page 433
قَالُواْ سُبۡحَٰنَكَ أَنتَ وَلِيُّنَا مِن دُونِهِمۖ بَلۡ كَانُواْ يَعۡبُدُونَ ٱلۡجِنَّۖ أَكۡثَرُهُم بِهِم مُّؤۡمِنُونَ ٤١
They will say, "Exalted are You! You, [O Allāh], are our benefactor excluding [i.e., not] them. Rather, they used to worship the jinn; most of them were believers in them."
Malaa'ikaaɓe ɓen wi'i: Senaade woodani Ma! Ko An woni giɗo heftuɗo men gaanin maɓɓe. Giggol alaa hakkunde amen e maɓɓe. Toode ɓee sirkooɓe, ko seytanuuji ɗin ɓe rewaynoo, ɓe ɗoftora ɗi wiide ko ɗi Malaa'ika, ɓe rewa ɗi gaanin Alla. Ko ɓuri ɗuuɗude e maɓɓe, ko ɗin gomɗini.
34:42Page 433
فَٱلۡيَوۡمَ لَا يَمۡلِكُ بَعۡضُكُمۡ لِبَعۡضٖ نَّفۡعٗا وَلَا ضَرّٗا وَنَقُولُ لِلَّذِينَ ظَلَمُواْ ذُوقُواْ عَذَابَ ٱلنَّارِ ٱلَّتِي كُنتُم بِهَا تُكَذِّبُونَ ٤٢
But today [i.e., the Day of Judgement] you do not hold for one another [the power of] benefit or harm, and We will say to those who wronged, "Taste the punishment of the Fire, which you used to deny."
Ñalnde mooɓtondiral e hasbeede nden, rewetenooɓe ɓen waawanoytaa rewaynooɓe ɓen aduna ko woori Alla, hay nafawel, wanaa feere fii duñangol ɓe lorra. Men wi'ana ɓen tooñirɓe ko'e mun geddi e keeferaaku: Meeɗee lepte Yiite nge fennaynoɗon fii mun ngen aduna.
34:43Page 433
وَإِذَا تُتۡلَىٰ عَلَيۡهِمۡ ءَايَٰتُنَا بَيِّنَٰتٖ قَالُواْ مَا هَٰذَآ إِلَّا رَجُلٞ يُرِيدُ أَن يَصُدَّكُمۡ عَمَّا كَانَ يَعۡبُدُ ءَابَآؤُكُمۡ وَقَالُواْ مَا هَٰذَآ إِلَّآ إِفۡكٞ مُّفۡتَرٗىۚ وَقَالَ ٱلَّذِينَ كَفَرُواْ لِلۡحَقِّ لَمَّا جَآءَهُمۡ إِنۡ هَٰذَآ إِلَّا سِحۡرٞ مُّبِينٞ ٤٣
And when Our verses are recited to them as clear evidences, they say, "This is not but a man who wishes to avert you from that which your fathers were worshipping." And they say, "This is not except a lie invented." And those who disbelieve say of the truth when it has come to them, "This is not but obvious magic."
Si Aayeeje Amen ɓannguɗe jippinaaɗe e nulaaɗo Amen on janngaama e sirkooɓe ɓen, ɓe wi'a: Oo gorko arduɗo e ɗee Aajeeye wonaali, si wanaa faalaaɗo yiltude on e ko baabiraaɓe mon wonunoo e mun. Ɓe wi'i: Ndee Alqur’aanaare wonaali, si wanaa fenaande fefindaande bakaa e Alla. Yedduɓe Alla ɓen wi'ani Alqur’aanaare nden, ɓaawo nde arde e maɓɓe immorde ka Alla: Ndee wonaali, si wanaa mbilewu ɓanngu ngu; tawde nde sennday gorko e gennda mun, ɓiɗɗo e baaba mun.
34:44Page 433
وَمَآ ءَاتَيۡنَٰهُم مِّن كُتُبٖ يَدۡرُسُونَهَاۖ وَمَآ أَرۡسَلۡنَآ إِلَيۡهِمۡ قَبۡلَكَ مِن نَّذِيرٖ ٤٤
And We had not given them any scriptures which they could study, and We had not sent to them before you, [O Muḥammad], any warner.
Hara le Men meeɗaa addannde ɓe defte, ɗe ɓe janngata, tinndinooje ɓe wonnde ndee Alqur'aaaare, ko fenaande nde Muhammadu fefindii. Men meeɗaali kadi nulude e maɓɓe, nulaaɗo jertinoowo ɓe e lepte Alla ɗen, ado maaɗa an Nulaaɗo.
34:45Page 433
وَكَذَّبَ ٱلَّذِينَ مِن قَبۡلِهِمۡ وَمَا بَلَغُواْ مِعۡشَارَ مَآ ءَاتَيۡنَٰهُمۡ فَكَذَّبُواْ رُسُلِيۖ فَكَيۡفَ كَانَ نَكِيرِ ٤٥
And those before them denied, and they [i.e., the people of Makkah] have not attained a tenth of what We had given them. But they [i.e., the former peoples] denied My messengers, so how [terrible] was My reproach.
Mofte adinooɓe ɓen - wano Aadi'en, Samuuda'en e yimɓe Luuti ɓen - fow maɓɓe ɓe fenni. Awa yimɓe maa sirkooɓe ɓen, ɓe yottaaki sappaɓal ko ɗen mofte adinooɓe yottino e doole, e hattaade, e jawle e ɗuuɗal. Kala maɓɓe fenni Nulaaɗo mun. Ko ɓe okkaa kon e jawle e doole e ɗuuɗal, huunde e mun nafaano ɓe, lepte Am ɗen yani e maɓɓe. Taskii an Nulaaɗo, ko honno lepte Am ɗen wa'unoo e maɓɓe.
34:46Page 433
۞ قُلۡ إِنَّمَآ أَعِظُكُم بِوَٰحِدَةٍۖ أَن تَقُومُواْ لِلَّهِ مَثۡنَىٰ وَفُرَٰدَىٰ ثُمَّ تَتَفَكَّرُواْۚ مَا بِصَاحِبِكُم مِّن جِنَّةٍۚ إِنۡ هُوَ إِلَّا نَذِيرٞ لَّكُم بَيۡنَ يَدَيۡ عَذَابٖ شَدِيدٖ ٤٦
Say, "I only advise you of one [thing] - that you stand for Allāh, [seeking truth] in pairs and individually, and then give thought." There is not in your companion any madness. He is only a warner to you before a severe punishment.
An Nulaaɗo, maakan ɓee sirkooɓe: Anndee ko waajorta on, ko jikku gooto: On woni, wiide on nde daroranton Alla, ceeron mbeleeɗe, ɗiɗo ɗiɗo maa gooto gooto, refti miijitoɗon fii wonndiiɗo mon on, e ko anndirnoɗon mon haqqil e goonga e hoolaare kon, fii no fellitiron wonnde kanko Muhammadu (yo o his), o feetaa. O wonaali, si wanaa jertinoowo on, ko woni yeeso mon, e lepte saɗtuɗe, si wonii on tuubanaali Alla e sirkugol.
34:47Page 433
قُلۡ مَا سَأَلۡتُكُم مِّنۡ أَجۡرٖ فَهُوَ لَكُمۡۖ إِنۡ أَجۡرِيَ إِلَّا عَلَى ٱللَّهِۖ وَهُوَ عَلَىٰ كُلِّ شَيۡءٖ شَهِيدٞ ٤٧
Say, "Whatever payment I might have asked of you - it is yours. My payment is only from Allāh, and He is, over all things, Witness."
An Nulaaɗo, maakan ɓee sirkooɓe fennooɓe: Mi lamndaaki on e ko mi addi kon e peewal e moƴƴere, njoddi woo, tawde ɗum ko fii mon. Njoɓdi alanaa lam si wanaa ka Alla tun. Kanko Seniiɗo On, ko O Seediiɗo e kala huunde: Himo Seedii wonnde mi yottii e mon, himo Seeditii kadi e golle mon ɗe O yoɓitoyta on njoɓdi mun.
34:48Page 433
قُلۡ إِنَّ رَبِّي يَقۡذِفُ بِٱلۡحَقِّ عَلَّٰمُ ٱلۡغُيُوبِ ٤٨
Say, "Indeed, my Lord projects the truth, Knower of the unseen."
Maakan ɓe an Nulaaɗo: Pellet, Joomi am ko werlotooɗo goonga kan e hoore meere nden, ka bonnita nde. Ko Kano woni timminɗo ganndal wirniiɗi: huunde suuɗaaki Mo ka kammuuli, wanaa ka leydi. Golle jeyaaɓe Makko ɓen suuɗaaki Mo.
34:49Page 434
قُلۡ جَآءَ ٱلۡحَقُّ وَمَا يُبۡدِئُ ٱلۡبَٰطِلُ وَمَا يُعِيدُ ٤٩
Say, "The truth has come, and falsehood can neither begin [anything] nor repeat [it]."1
An Nulaaɗo, maakan ɓee sirkooɓe fennooɓe: Goonga lislaamu kan arii, meere nde alaa batte e doole nden kadi alaa ka feeña, nde ruttortaa kadi doole.
34:50Page 434
قُلۡ إِن ضَلَلۡتُ فَإِنَّمَآ أَضِلُّ عَلَىٰ نَفۡسِيۖ وَإِنِ ٱهۡتَدَيۡتُ فَبِمَا يُوحِيٓ إِلَيَّ رَبِّيٓۚ إِنَّهُۥ سَمِيعٞ قَرِيبٞ ٥٠
Say, "If I should err, I would only err against myself. But if I am guided, it is by what my Lord reveals to me. Indeed, He is Hearing and near."
An Nulaaɗo, maakan ɓee sirkooɓe fennooɓe: Si mi majjii goonga kan e ko mi yottinta e mon kon, haray ko min lorritorta, huunde e lorra mun hewtataa on; si mi mi hawru e mun non, ko sabu ko Joomi am wahayini e am kon, tawde pellet, ko O Nanoowo konnguɗi jeyaaɓe Makko ɓen, Ɓadiiɗo, Mo huunde haɗataa ɗum nanugol ko mi wowlata.
34:51Page 434
وَلَوۡ تَرَىٰٓ إِذۡ فَزِعُواْ فَلَا فَوۡتَ وَأُخِذُواْ مِن مَّكَانٖ قَرِيبٖ ٥١
And if you could see1 when they are terrified but there is no escape, and they will be seized from a place nearby.
Sinno a tinanyno an Nulaaɗo, tuma nde ɓee fennooɓe ɗenƴorii yi'ugol lepte ɗen Ñalnde Darngal, hara laaworde woo alanaa ɓe, wanaa fii faɓtorde, ɓe nanngiree e nokku ɓadiiɗo, no newori. Sinno a tinayno ɗum, harayno a tinay huunde haawniinde.
34:52Page 434
وَقَالُوٓاْ ءَامَنَّا بِهِۦ وَأَنَّىٰ لَهُمُ ٱلتَّنَاوُشُ مِن مَّكَانِۭ بَعِيدٖ ٥٢
And they will [then] say, "We believe in it!" But how for them will be the taking1 [of faith] from a place far away?2
Nde ɓe yi'unoo jaaƴorde maɓɓe nden, ɓe wi'i: Men gomɗinii Darngal ngal. E ko honno non gomɗinal wonirani ɓe ɓaawo ɓe woɗɗondirde e nokku mo gomɗinal jaɓetee e mun on? Tawde ɓe yalti e saare aduna golleteende e mun nden, faade e galle laakara tawaynde ko njoɓdi golle tun woni ton?
34:53Page 434
وَقَدۡ كَفَرُواْ بِهِۦ مِن قَبۡلُۖ وَيَقۡذِفُونَ بِٱلۡغَيۡبِ مِن مَّكَانِۭ بَعِيدٖ ٥٣
And they had already disbelieved in it before and would assault1 the unseen from a place far away.2
E ko honno ɓe heɓirta gomɗinal jaɓeteengal, ka tawta ɓe yeddiino ɗum gila aduna, hiɓe werlora sikke ɗen e nokku woɗɗiiɗo goonga: ɓe wi'a wonnde Nulaaɗo on ko mbile, ndure e yimoowo.
34:54Page 434
وَحِيلَ بَيۡنَهُمۡ وَبَيۡنَ مَا يَشۡتَهُونَ كَمَا فُعِلَ بِأَشۡيَاعِهِم مِّن قَبۡلُۚ إِنَّهُمۡ كَانُواْ فِي شَكّٖ مُّرِيبِۭ ٥٤
And prevention will be placed between them and what they desire,1 as was done with their kind before. Indeed, they were in disquieting doubt [i.e., denial].
Ɓee fennooɓe heedee e ko ɓe tuuyetee e nguur- ndam aduna, ɓe haɗee tuubugol e keeferaaku e daɗugol Yiite e yiltagol aduna, wano nanndo maɓɓe e mofte adinooɓe gollirnoi. Tawde ɓe woniino e sikkitagol ko Nulaaɓe ɓen addunoo e fii wootinɗingol Alla e gomɗingol ummital; sikke naɓayɗe e keeferaaku.
Text: Quranic Universal Library (Tarteel), via spa5k/tafsir_api (MIT), at a fixed version. The ayahs: Quran Foundation. Sources and licences