Al-Mukhtasar · Tafsir · in Fula
الحجرات
Al-Hujurat
The Rooms · Medinan · 18 ayahs
49:1Page 515
يَٰٓأَيُّهَا ٱلَّذِينَ ءَامَنُواْ لَا تُقَدِّمُواْ بَيۡنَ يَدَيِ ٱللَّهِ وَرَسُولِهِۦۖ وَٱتَّقُواْ ٱللَّهَۚ إِنَّ ٱللَّهَ سَمِيعٌ عَلِيمٞ ١
O you who have believed, do not put [yourselves] before Allāh and His Messenger1 but fear Allāh. Indeed, Allāh is Hearing and Knowing.
Ko onon yo ɓen gomɗimɓe Allah, ɓe jokki sari'a Makko on, wata on aditor yeeso Allah e Nulaaɗo Makko, konngol maa kuugal. Huliron kadi Allah, ñemtinirgol yamaruyeeji Makko ɗin e woɗɗitagol haɗaaɗi Makko ɗin. Pellet, Allah ko Nanoowo haala mon, Annduɗo golle mon. Huunde e mun laawotaako Mo. Ma O yoɓitiroy on ɗi.
49:2Page 515
يَٰٓأَيُّهَا ٱلَّذِينَ ءَامَنُواْ لَا تَرۡفَعُوٓاْ أَصۡوَٰتَكُمۡ فَوۡقَ صَوۡتِ ٱلنَّبِيِّ وَلَا تَجۡهَرُواْ لَهُۥ بِٱلۡقَوۡلِ كَجَهۡرِ بَعۡضِكُمۡ لِبَعۡضٍ أَن تَحۡبَطَ أَعۡمَٰلُكُمۡ وَأَنتُمۡ لَا تَشۡعُرُونَ ٢
O you who have believed, do not raise your voices above the voice of the Prophet or be loud to him in speech like the loudness of some of you to others, lest your deeds become worthless while you perceive not.
Ko onon yo ɓen gomɗimɓe Allah, ɓe jokki sari'a Makko on, ne'anee Nulaaɗo Makko on, hara on townaali sowtooji mon ɗin e hoore sowto Annabaajo on (yo o his) tuma yewtoton mo, wata on ewnor kadi innde makko nden, wano yoga mon ewnorta yoga; noddiree mo newaare wiide Annabiijo e Nulaaɗo; fii wata golle mon ɗen bonir sabu ɗum, hara on so'aa-anndude ɗum.
49:3Page 515
إِنَّ ٱلَّذِينَ يَغُضُّونَ أَصۡوَٰتَهُمۡ عِندَ رَسُولِ ٱللَّهِ أُوْلَٰٓئِكَ ٱلَّذِينَ ٱمۡتَحَنَ ٱللَّهُ قُلُوبَهُمۡ لِلتَّقۡوَىٰۚ لَهُم مَّغۡفِرَةٞ وَأَجۡرٌ عَظِيمٌ ٣
Indeed, those who lower their voices before the Messenger of Allāh - they are the ones whose hearts Allāh has tested for righteousness. For them is forgiveness and great reward.
Pellet, ɓen joltinay ɓe sowtooji mun ɗin ka Nulaaɗo Allah on (yo o his), ko ɓen woni ɓe Allah jariboori ɓerɗe mun ɗen hulugol Mo, O laɓɓiniri ɗe ɗum. Hino woodani ɓe haforannede junuubi ɗi ɓe nanngitirtaake, e njoɓdi mawndi Ñalnde Darngal, wonnde Allah naadoyay ɓe Aljanna.
49:4Page 515
إِنَّ ٱلَّذِينَ يُنَادُونَكَ مِن وَرَآءِ ٱلۡحُجُرَٰتِ أَكۡثَرُهُمۡ لَا يَعۡقِلُونَ ٤
Indeed, those who call you, [O Muḥammad], from behind the chambers - most of them do not use reason.
Pellet, ɓen yimɓe ladde ɓe no noddire an Nulaaɗo ka ɓaawo cuuɗi rewɓe maa ɓen, ko ɓuri ɗuuɗude e maɓɓe, wanaa haqqilooɓe.
49:5Page 516
وَلَوۡ أَنَّهُمۡ صَبَرُواْ حَتَّىٰ تَخۡرُجَ إِلَيۡهِمۡ لَكَانَ خَيۡرٗا لَّهُمۡۚ وَٱللَّهُ غَفُورٞ رَّحِيمٞ ٥
And if they had been patient until you [could] come out to them, it would have been better for them. But Allāh is Forgiving and Merciful.
Sinno ɓee noddiraynooɓe ma an Nulaaɗo, ka ɓaawo cuuɗi rewɓe maa ɓen muññino haa yawtaa tawaa ɓe, ontuma ɓe yewtire sowtooji joltuɗi, ko ɗum ɓuraynoo moƴƴannde ɓe dii noddirgol maa ɓaawo, tawde ko tintodugol e maa ngol wonndi e teddungal. Allah non ko Haforoowo junuubi kala tuubuɗo e maɓɓe e wanaa kamɓe sabu majjeede maɓɓe, Hinnotooɗo ɓe kadi.
49:6Page 516
يَٰٓأَيُّهَا ٱلَّذِينَ ءَامَنُوٓاْ إِن جَآءَكُمۡ فَاسِقُۢ بِنَبَإٖ فَتَبَيَّنُوٓاْ أَن تُصِيبُواْ قَوۡمَۢا بِجَهَٰلَةٖ فَتُصۡبِحُواْ عَلَىٰ مَا فَعَلۡتُمۡ نَٰدِمِينَ ٦
O you who have believed, if there comes to you a disobedient one with information, investigate, lest you harm a people out of ignorance and become, over what you have done, regretful.
Ko onon yo ɓe gomɗimɓe Allah ɓe golliri sari'a Makko on, si faasiqiijo ardanii on e kabaaru fii yimɓe, haray tefee fii mun, haray on hawjiraali goongingol mo, fii wata on heɓor e yimɓe, sau majjeede huunde nden, waɗtiniron kon ko heɓiɗon e maɓɓe ɗon, ninsuɓe, tuma fenaande kumpital ngal laaɓani on.
49:7Page 516
وَٱعۡلَمُوٓاْ أَنَّ فِيكُمۡ رَسُولَ ٱللَّهِۚ لَوۡ يُطِيعُكُمۡ فِي كَثِيرٖ مِّنَ ٱلۡأَمۡرِ لَعَنِتُّمۡ وَلَٰكِنَّ ٱللَّهَ حَبَّبَ إِلَيۡكُمُ ٱلۡإِيمَٰنَ وَزَيَّنَهُۥ فِي قُلُوبِكُمۡ وَكَرَّهَ إِلَيۡكُمُ ٱلۡكُفۡرَ وَٱلۡفُسُوقَ وَٱلۡعِصۡيَانَۚ أُوْلَٰٓئِكَ هُمُ ٱلرَّٰشِدُونَ ٧
And know that among you is the Messenger of Allāh. If he were to obey you in much of the matter, you would be in difficulty, but Allāh has endeared to you the faith and has made it pleasing in your hearts and has made hateful to you disbelief, defiance and disobedience. Those are the [rightly] guided.
Anndee wonnde Nulaaɗo Allah on hino hakkunde mon, onon muumini'en, wahayu on no jippaade e makko, rentoɗon e fennugol, sakko wahayu jippoo e makko humpitugol mo ngol fennugol mo, e hino le himo anndi ko moƴƴanta on. Si o tewtino on e ko holloton mo, on yanayno e tampere nde o faalananooka on. Kono Allah kan, e ɓural Makko ngal, O yiɗini on gomɗinal, O cuɗini ngal e ɓerɗe mon haa gomɗinɗon; O añini on keeferaaku, e yaltugol e ɗoftaare Makko, e yeddugol Mo. Ko ɓen siforaaɓe ɗin sifaaji ɗon, woni jokkuɓe laawol peewal ngol.
49:8Page 516
فَضۡلٗا مِّنَ ٱللَّهِ وَنِعۡمَةٗۚ وَٱللَّهُ عَلِيمٌ حَكِيمٞ ٨
[It is] as bounty from Allāh and favor. And Allāh is Knowing and Wise.
Ko heɓu ɗon kon e cuɗinaneede gomɗinal ka ɓerɗe mon, e añineede bone on, fow ko ɓural immorde ka Allah, ngal O moƴƴorii e mon, e neema kadi mo O neeminiri on. Allah ko annduɗo jeyaaɓe Makko yettooɓe Mo ɓen, O fewna ɓe, Ñeeñuɗo kadi, tawde O waɗay huunde kala ka haani ɗon.
49:9Page 516
وَإِن طَآئِفَتَانِ مِنَ ٱلۡمُؤۡمِنِينَ ٱقۡتَتَلُواْ فَأَصۡلِحُواْ بَيۡنَهُمَاۖ فَإِنۢ بَغَتۡ إِحۡدَىٰهُمَا عَلَى ٱلۡأُخۡرَىٰ فَقَٰتِلُواْ ٱلَّتِي تَبۡغِي حَتَّىٰ تَفِيٓءَ إِلَىٰٓ أَمۡرِ ٱللَّهِۚ فَإِن فَآءَتۡ فَأَصۡلِحُواْ بَيۡنَهُمَا بِٱلۡعَدۡلِ وَأَقۡسِطُوٓاْۖ إِنَّ ٱللَّهَ يُحِبُّ ٱلۡمُقۡسِطِينَ ٩
And if two factions among the believers should fight, then make settlement between the two. But if one of them oppresses the other, then fight against the one that oppresses until it returns to the ordinance of Allāh. And if it returns, then make settlement between them in justice and act justly. Indeed, Allāh loves those who act justly.
Si feddeeji ɗiɗi e gomɗimɓe ɓen haɓii, haray ko yo on moƴƴintinir hakkunde maɓɓe, onon gomɗimɓe ɓen, noddugol ñaawirgol sari'a Allah on e kon ko waddi ɓe. Si fedde goo e maɓɓe salike nde jaggitii, haɓee nden jaggitunde ɗon, haa nde ruttoo e ñaawoore Allah nden. Si nde ruttike e ɗum, ko moƴƴintinirgol hakkunde maɓɓe, nunɗal e laaɓal. Nunɗee ka ñaawugol hakkunde maɓɓe, tawde pellet, Allah no yiɗi nunɗooɓe e ñaawugol maɓɓe ngol.
49:10Page 516
إِنَّمَا ٱلۡمُؤۡمِنُونَ إِخۡوَةٞ فَأَصۡلِحُواْ بَيۡنَ أَخَوَيۡكُمۡۚ وَٱتَّقُواْ ٱللَّهَ لَعَلَّكُمۡ تُرۡحَمُونَ ١٠
The believers are but brothers, so make settlement between your brothers. And fear Allāh that you may receive mercy.
Anndee gomɗimɓe ɓen ko jeyduɓe ka lislaamu. Jeydugol non e lislaamu, hino lamndii moƴƴingol hakkunde mon, onon gomɗimɓe pooɗondirayɓe ɓen. Huliree Allah ɗoftagol yamaruyeeji Makko, woɗɗitoo haɗaaɗi Makko, belajo, on yurminte.
49:11Page 516
يَٰٓأَيُّهَا ٱلَّذِينَ ءَامَنُواْ لَا يَسۡخَرۡ قَوۡمٞ مِّن قَوۡمٍ عَسَىٰٓ أَن يَكُونُواْ خَيۡرٗا مِّنۡهُمۡ وَلَا نِسَآءٞ مِّن نِّسَآءٍ عَسَىٰٓ أَن يَكُنَّ خَيۡرٗا مِّنۡهُنَّۖ وَلَا تَلۡمِزُوٓاْ أَنفُسَكُمۡ وَلَا تَنَابَزُواْ بِٱلۡأَلۡقَٰبِۖ بِئۡسَ ٱلِٱسۡمُ ٱلۡفُسُوقُ بَعۡدَ ٱلۡإِيمَٰنِۚ وَمَن لَّمۡ يَتُبۡ فَأُوْلَٰٓئِكَ هُمُ ٱلظَّٰلِمُونَ ١١
O you who have believed, let not a people ridicule [another] people; perhaps they may be better than them; nor let women ridicule [other] women; perhaps they may be better than them. And do not insult one another and do not call each other by [offensive] nicknames. Wretched is the name [i.e., mention] of disobedience after [one's] faith. And whoever does not repent - then it is those who are the wrongdoers.
Ko onon yo ɓen gomɗimɓe Allah, ɓe golliri sari'a Makko on ! Wata yimɓe goo e mon jalkitu woɗɓe dey: hino gasa hara ɓen jalkitaaɓe hino ɓuri moƴƴude e mun en ka Allah. Wata rewɓe kadi jalkitu rewɓe : hino gasa ka ɓen jalkitaaɓe ɓurata ɓe moƴƴude ka Allah. Wata on aybin musiɗɓe mon, hiɓe wa'i wa mon. Wata on bugondir kadi jammooje ɗe on yiɗaa, wano yimɓe Madiina anndiranoo ando seenagol Nulaaɗo Allah on (yo o his). Kala e mo'on waɗuɗo ɗum, ko yaltuɗo e ɗoftaare. Sifa ngun jikku ɗon non bonii baawo goɗingol. Kala mo tuubaali e ɗin geddi, ko ɓen woni tooñirɓe ko'e-mun, unagol e halkaare, sabu ɗin geddi maɓɓe.
49:12Page 517
يَٰٓأَيُّهَا ٱلَّذِينَ ءَامَنُواْ ٱجۡتَنِبُواْ كَثِيرٗا مِّنَ ٱلظَّنِّ إِنَّ بَعۡضَ ٱلظَّنِّ إِثۡمٞۖ وَلَا تَجَسَّسُواْ وَلَا يَغۡتَب بَّعۡضُكُم بَعۡضًاۚ أَيُحِبُّ أَحَدُكُمۡ أَن يَأۡكُلَ لَحۡمَ أَخِيهِ مَيۡتٗا فَكَرِهۡتُمُوهُۚ وَٱتَّقُواْ ٱللَّهَۚ إِنَّ ٱللَّهَ تَوَّابٞ رَّحِيمٞ ١٢
O you who have believed, avoid much [negative] assumption. Indeed, some assumption is sin. And do not spy or backbite each other. Would one of you like to eat the flesh of his brother when dead? You would detest it. And fear Allāh; indeed, Allāh is Accepting of Repentance and Merciful.
Ko onon yo ɓen gomɗimɓe Allah ɓe golliri sari'a Makko on, waɗɗitee e ko ɗuuɗi e sikke. Pellet, yoga e sikke ko bakkaatu ; wano sikkugol goɗɗo bone, hara le ko moƴƴere feeñi e makko. Wata on wiɗo gomɗimɓe ɓen ɓaawo maaɓe, wata yoga mon kadi wowlu yoga ko mettata oya ; sabu ɗum no wa'i wa ñaamugol teewu musiɗɗo mun maay- ɗo. Hara non goɗɗo e mo'on yiɗay ñaamugol teewu musiɗɗo mun maayɗo? Awa añiree ño'ugol mo ngol wano non. Huliron Allah ɗoftagol yamiraaɗi Makko, woɗɗitoo haɗaaɗi Makko. Pellet, Allah ko Jaɓanoowo kala tuubuɗo e jeyaaɓe Makko ɓen, Hinnotooɗo ɓe.
49:13Page 517
يَٰٓأَيُّهَا ٱلنَّاسُ إِنَّا خَلَقۡنَٰكُم مِّن ذَكَرٖ وَأُنثَىٰ وَجَعَلۡنَٰكُمۡ شُعُوبٗا وَقَبَآئِلَ لِتَعَارَفُوٓاْۚ إِنَّ أَكۡرَمَكُمۡ عِندَ ٱللَّهِ أَتۡقَىٰكُمۡۚ إِنَّ ٱللَّهَ عَلِيمٌ خَبِيرٞ ١٣
O mankind, indeed We have created you from male and female and made you peoples and tribes that you may know one another. Indeed, the most noble of you in the sight of Allāh is the most righteous1 of you. Indeed, Allāh is Knowing and Aware.
Ko non yo yimɓe ! Men tagirii one gorel gootel, on woni baaba mon Aadama, e deyel gootel, on woni neene mon Hawaa; dammbe mon ko gootum, wata woɗɓe e mon wasooro dammbe e hoore woɗɓe. Men waɗi on kadi leƴƴi ɗuuɗuɗi e gori saakitiiɗi heen fow, fii yo on anndindir hakkunde mon, wanaa ko mantoree. Ko senndi on, ko gomɗal ngal, ko ɗum waɗi si O daali: "Pellet, ɓurɓe teddude e mon ɓen ka Allah, ko ɓurɓe gomɗude ɓen e mon". Awa Allah ko Annduɗo fiyakuuji mon ɗin, Humpitiiɗo fii ɗuytaare maa ɓeydaare ko woni e mon. Huunde e mun suuɗaaki Mo.
49:14Page 517
۞ قَالَتِ ٱلۡأَعۡرَابُ ءَامَنَّاۖ قُل لَّمۡ تُؤۡمِنُواْ وَلَٰكِن قُولُوٓاْ أَسۡلَمۡنَا وَلَمَّا يَدۡخُلِ ٱلۡإِيمَٰنُ فِي قُلُوبِكُمۡۖ وَإِن تُطِيعُواْ ٱللَّهَ وَرَسُولَهُۥ لَا يَلِتۡكُم مِّنۡ أَعۡمَٰلِكُمۡ شَيۡـًٔاۚ إِنَّ ٱللَّهَ غَفُورٞ رَّحِيمٌ ١٤
The bedouins say, "We have believed." Say, "You have not [yet] believed; but say [instead], 'We have submitted,' for faith has not yet entered your hearts. And if you obey Allāh and His Messenger, He will not deprive you from your deeds1 of anything. Indeed, Allāh is Forgiving and Merciful."
Yoga e yimɓe ladde ɓen nde hewtunoo ka Annabiijo on ( yo o his) ɓe wi'i: Men gomɗinii Allah e Nulaaɗo Makko on. Maakan ɓee, an Nulaaɗo: On gomɗinaali taho. Wi'ee kan : Men silmii, men jebbilike. Gomɗinal ngal naataali taho ka ɓerɗe mon, hino hasii non ka ngal naatoya. Si onon ɓee yimɓe laddeeɓe, on ɗoftike Allah e Nulaaɗo Makko on ka gomɗinal e ka golle moƴƴe, e ka woɗɗitagol harminaaɗi ɗin, Allah ɗuytantaa on huunde e mbarjaari golle mon ɗen. Pellet, Allah ko Haforanoowo kala tuubuɗo e jeyaaɓe Makko ɓen, Hinnotooɗo ɓe.
49:15Page 517
إِنَّمَا ٱلۡمُؤۡمِنُونَ ٱلَّذِينَ ءَامَنُواْ بِٱللَّهِ وَرَسُولِهِۦ ثُمَّ لَمۡ يَرۡتَابُواْ وَجَٰهَدُواْ بِأَمۡوَٰلِهِمۡ وَأَنفُسِهِمۡ فِي سَبِيلِ ٱللَّهِۚ أُوْلَٰٓئِكَ هُمُ ٱلصَّٰدِقُونَ ١٥
The believers are only the ones who have believed in Allāh and His Messenger and then doubt not but strive with their properties and their lives in the cause of Allāh. It is those who are the truthful.
Gomɗimɓe tigi ɓen, ko ɓen gomɗimɓe Allah e Nulaaɗo Makko on, refti ɓe jillaani sikke e gomɗinal maɓɓe ngal, ɓe tiiɗnori kadi jawle e pittaali maɓɓe ɗin fii laawol Allah ngol, hara ɓe wuddiraali huunde e majji. Ɓen siforaaɓe ɗin sifaaji, ko ɓen woni goonguɓe e gomɗinal mun.
49:16Page 517
قُلۡ أَتُعَلِّمُونَ ٱللَّهَ بِدِينِكُمۡ وَٱللَّهُ يَعۡلَمُ مَا فِي ٱلسَّمَٰوَٰتِ وَمَا فِي ٱلۡأَرۡضِۚ وَٱللَّهُ بِكُلِّ شَيۡءٍ عَلِيمٞ ١٦
Say, "Would you acquaint Allāh with your religion while Allāh knows whatever is in the heavens and whatever is on the earth, and Allāh is Knowing of all things?"
An Nulaaɗo, maakan ɓee yimɓe ladde : kere on anndinay Allah diina mon kan? Hara non Allah no anndi kala woni ka kammuuli e ka leydi. Allah ko Annduɗo kala huunde. Hay huunde suuɗaaki Mo. O hatonjinaa e ko humpitoton Mo fii diina mon.
49:17Page 517
يَمُنُّونَ عَلَيۡكَ أَنۡ أَسۡلَمُواْۖ قُل لَّا تَمُنُّواْ عَلَيَّ إِسۡلَٰمَكُمۖ بَلِ ٱللَّهُ يَمُنُّ عَلَيۡكُمۡ أَنۡ هَدَىٰكُمۡ لِلۡإِيمَٰنِ إِن كُنتُمۡ صَٰدِقِينَ ١٧
They consider it a favor to you that they have accepted Islām. Say, "Do not consider your Islām a favor to me. Rather, Allāh has conferred favor upon you that He has guided you to the faith, if you should be truthful."
Ɓee yimɓe ladde no wajite an Nulaaɗo, fii ɓe silmii. Maakan ɓe : wata on wajitam naatuugol mon e diina Allah kan, sabu ɗum ko onon nafata. Si ko woni, ko Allah wajitata on fii O hawrindinii on e gomɗingol Mo, si wonii ko on goonguɓe e nodditorgol mon naatugol e diina kan.
49:18Page 517
إِنَّ ٱللَّهَ يَعۡلَمُ غَيۡبَ ٱلسَّمَٰوَٰتِ وَٱلۡأَرۡضِۚ وَٱللَّهُ بَصِيرُۢ بِمَا تَعۡمَلُونَ ١٨
Indeed, Allāh knows the unseen [aspects] of the heavens and the earth. And Allāh is Seeing of what you do.
Pellet, Allah no anndi wirniiɗi kammuuli ɗin e leydi ndin. Huunde e mun suuɗaaki Mo. Allah ko Reenuɗo ko golloton kon. Huunde e golle mon ɗen suuɗaaki Mo. O yoɓitoyay on ko boni e ko moƴƴi e majje.
Text: Quranic Universal Library (Tarteel), via spa5k/tafsir_api (MIT), at a fixed version. The ayahs: Quran Foundation. Sources and licences