Al-Mukhtasar · Tafsir · in Fula
الطور
At-Tur
The Mount · Meccan · 49 ayahs
Allah woondirii Fello ngo O yewtidi e Annabi Muusaa ngon.
O woondiri kadi Deftere winndannde nden.
E ɗeri fontoriiɗi wa Defte jippinaaɗe ɗen.
O woondiri kadi Suudu ndu Malaa'ika'en wuurniri ndin rewugol Allah ka kammu.
O woondiri kadi kammu toowungu, wonu ngu kippoodi e leydi ndin.
O woondiri kadi maayo hebbiniraango ndiyam ngon.
Pellet, lepte Joomi maa ɗen an Nulaaɗo, ko yanooje e heeferɓe ɓen, feere mun alaa.
Alaa ko duñanaɓe ɗe, haa ɗe ronka yanude e maɓɓe.
52:9Page 523
يَوۡمَ تَمُورُ ٱلسَّمَآءُ مَوۡرٗا ٩
On the Day the heaven will sway with circular motion
Ñalnde kammu ngun dillirta dillere, ngu folwo hollirde daragol Darngal ngal.
Pelle ɗen woni e sottugol nokku majje, watta yahugol.
Haray nden ñalnde, halkaare e hayrere woodanii fennuɓe lepte ɗe Allah kammbirani yedduɓe ɓen.
52:12Page 523
ٱلَّذِينَ هُمۡ فِي خَوۡضٖ يَلۡعَبُونَ ١٢
Who are in [empty] discourse amusing themselves.
Ɓen wonuɓe e jumpugol fija e nder meere, hara ɓe tefaa fii ummital e caakagol.
52:13Page 523
يَوۡمَ يُدَعُّونَ إِلَىٰ نَارِ جَهَنَّمَ دَعًّا ١٣
The Day they are thrust toward the fire of Hell with a [violent] thrust, [its angels will say],
Ñalnde ɓe duñiroytee doole ka Yiite Jahannama duñannde.
52:14Page 523
هَٰذِهِ ٱلنَّارُ ٱلَّتِي كُنتُم بِهَا تُكَذِّبُونَ ١٤
"This is the Fire which you used to deny.
Ɓe wi'anoyee nde ñalnde : awa ko ngee Yiite woni ko fennaynoɗon, fewndo Nulaaɓe mon ɓen hulɓiniraynoo on nge.
52:15Page 524
أَفَسِحۡرٌ هَٰذَآ أَمۡ أَنتُمۡ لَا تُبۡصِرُونَ ١٥
Then is this magic, or do you not see?
E ko mbilewu woni ɗee lepte ɗe sutiɗon? Kaa hara on alaa e yi'ude?
52:16Page 524
ٱصۡلَوۡهَا فَٱصۡبِرُوٓاْ أَوۡ لَا تَصۡبِرُواْ سَوَآءٌ عَلَيۡكُمۡۖ إِنَّمَا تُجۡزَوۡنَ مَا كُنتُمۡ تَعۡمَلُونَ ١٦
[Enter to] burn therein; then be patient or impatient - it is all the same for you. You are only being recompensed [for] what you used to do."
Meeɗee nguleeki ngee Yiite sumon nge ! Muññiɗon ɗum maa hara on muññaaki, fow no fota e mon. On yoɓetaake hannde, si wanaa ko geddi e keeferaaku ko gollaynoɗon kon aduna.
52:17Page 524
إِنَّ ٱلۡمُتَّقِينَ فِي جَنَّٰتٖ وَنَعِيمٖ ١٧
Indeed, the righteous will be in gardens and pleasure,
Pellet, hulirɓe Joomi mun ɓen ɗoftagol yamiraaɗi Makko woɗɗitoo e haɗaaɗi Makko ɗin, hino e Aljannaaji e naamaaji mawɗi, ɗi taƴondirtaa.
52:18Page 524
فَٰكِهِينَ بِمَآ ءَاتَىٰهُمۡ رَبُّهُمۡ وَوَقَىٰهُمۡ رَبُّهُمۡ عَذَابَ ٱلۡجَحِيمِ ١٨
Enjoying what their Lord has given them, and their Lord protected them from the punishment of Hellfire.
Ko ɓe dakmitorayɓe dakammeeji ñaametee e njaram e desal ko Allah okki ɓe, Joomi maɓɓe daɗnda ɓe lepte Jahiimi ɗen. Ɓe maliree dañugol dakamme yela maɓɓe on, e daɗndeede lepte.
52:19Page 524
كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ ١٩
[They will be told], "Eat and drink in satisfaction for what you used to do."
Ɓe wi'anee ontuma : ñaamee yaron kala ko yiɗuɗon, ko hannduɓe e mun, wata on hulu lorra ko ñaamoton maa ko yaroton kon. Ɗum ko njoɓdi mon, e golle mon laaɓuɗe ɗen aduna.
52:20Page 524
مُتَّكِـِٔينَ عَلَىٰ سُرُرٖ مَّصۡفُوفَةٖۖ وَزَوَّجۡنَٰهُم بِحُورٍ عِينٖ ٢٠
They will be reclining on thrones lined up, and We will marry them to fair women with large, [beautiful] eyes.
Hara ko on soɓɓindiiɓe e hoore danɗe cuɗinaaɗe weertindiraa. Men resini ɓe kadi rewɓe yooɗa giteeɓe.
52:21Page 524
وَٱلَّذِينَ ءَامَنُواْ وَٱتَّبَعَتۡهُمۡ ذُرِّيَّتُهُم بِإِيمَٰنٍ أَلۡحَقۡنَا بِهِمۡ ذُرِّيَّتَهُمۡ وَمَآ أَلَتۡنَٰهُم مِّنۡ عَمَلِهِم مِّن شَيۡءٖۚ كُلُّ ٱمۡرِيِٕۭ بِمَا كَسَبَ رَهِينٞ ٢١
And those who believed and whose descendants followed them in faith - We will join with them their descendants, and We will not deprive them of anything of their deeds.1 Every person, for what he earned, is retained.2
Ɓen gomɗimɓe, genyngol maɓɓe ngol kadi jokki ɓe e gomɗinal ngal, Men tawtindinay ɓe e geyngol maɓɓe ngol, fii no ɓerɗe maɓɓe ɓuuɓira e fee maɓɓe, hay si ɓen golliraano wano maɓɓe. E hoore Men ɗuytanoytaaɓe huunde e baraaji golle maɓɓe ɗin; tawde neɗɗo kala ko tiginnde e bonɗi ɗi o faggitii ɗin, gooto ronnditantaako mo ko golli kon.
52:22Page 524
وَأَمۡدَدۡنَٰهُم بِفَٰكِهَةٖ وَلَحۡمٖ مِّمَّا يَشۡتَهُونَ ٢٢
And We will provide them with fruit and meat from whatever they desire.
Men ɓeydanii ɓee yimɓe Aljanna, nooneeje e muuyanteeɗi e kala ko ɓe tuuyetee e teewu.
52:23Page 524
يَتَنَٰزَعُونَ فِيهَا كَأۡسٗا لَّا لَغۡوٞ فِيهَا وَلَا تَأۡثِيمٞ ٢٣
They will exchange with one another a cup [of wine] wherein [results] no ill speech or commission of sin.
Hiɓe jaaondira ka nder Aljanna ton : ñedduɗe ɗe jillaa njaram wa'uɗam wa njaramji goo aduna; woni ko siwrinta adda cona-cana maa ko sabimbinta bakkaatu.
52:24Page 524
۞ وَيَطُوفُ عَلَيۡهِمۡ غِلۡمَانٞ لَّهُمۡ كَأَنَّهُمۡ لُؤۡلُؤٞ مَّكۡنُونٞ ٢٤
There will circulate among them [servant] boys [especially] for them, as if they were pearls well-protected.
Hara sukaaɓe no eltanaaɓe hino wanngoo e maɓɓe, wa'uɓe wa kaŋŋe reenaaɗe, hakkee ko ɓe jalbi.
52:25Page 524
وَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ ٢٥
And they will approach one another, inquiring of each other.
Woɗɓe e yimɓe Aljanna ɓen fewtita ɓeya, ɓe lamndondira fii fiyaaku maɓɓe on aduna.
52:26Page 524
قَالُوٓاْ إِنَّا كُنَّا قَبۡلُ فِيٓ أَهۡلِنَا مُشۡفِقِينَ ٢٦
They will say, "Indeed, we were previously among our people fearful [of displeasing Allāh].
Ɓe jaabora ɓe wiide : pellet, men laatino aduna, ko men hulunooɓe lepte Allah ɗen, hakkunde yimɓe amen ɓen.
52:27Page 524
فَمَنَّ ٱللَّهُ عَلَيۡنَا وَوَقَىٰنَا عَذَابَ ٱلسَّمُومِ ٢٧
So Allāh conferred favor upon us and protected us from the punishment of the Scorching Fire.
Allah moƴƴorii e amen, feewugol e lislaamu, O daɗandi men lepte norngal Yiite.
52:28Page 524
إِنَّا كُنَّا مِن قَبۡلُ نَدۡعُوهُۖ إِنَّهُۥ هُوَ ٱلۡبَرُّ ٱلرَّحِيمُ ٢٨
Indeed, we used to supplicate1 Him before. Indeed, it is He who is the Beneficent, the Merciful."
Men laatino e nguurndam amen aduna, meɗen rewaynoo Mo men toroo Mo daɗndugol men Yiite. Tawde pellet, ko Kanko woni moƴƴo goonguɗo e ko O fodi jeyaaɓe Makko ɓen kon, Hinnotooɗo ɓe. Hino jeyaa e ko O moƴƴorii e amen O yurmii men : fewnugol men e gomɗinal, naada men Aljanna, woɗɗina men e Yiite.
52:29Page 524
فَذَكِّرۡ فَمَآ أَنتَ بِنِعۡمَتِ رَبِّكَ بِكَاهِنٖ وَلَا مَجۡنُونٍ ٢٩
So remind, [O Muḥammad], for you are not, by the favor of your Lord, a soothsayer or a madman.
An Nulaaɗo, anndintinir tun Alqur'aanaa, sabu ko neema gomɗinal e haqqil ko Allah yeɗu maaɗa kon, a wonaa ndureejo gollidoowo e jinna, a wonaa kadi feetuɗo.
52:30Page 524
أَمۡ يَقُولُونَ شَاعِرٞ نَّتَرَبَّصُ بِهِۦ رَيۡبَ ٱلۡمَنُونِ ٣٠
Or do they say [of you], "A poet for whom we await a misfortune of time"?1
Kaa ɓee fennooɓe wi'au wonnde : Muhammadu wanaa Nulaaɗo, ko yimoowo ! Mo men habbitanii tun biftagol maayde, men pooftoo e makko.
52:31Page 524
قُلۡ تَرَبَّصُواْ فَإِنِّي مَعَكُم مِّنَ ٱلۡمُتَرَبِّصِينَ ٣١
Say, "Wait, for indeed I am, with you, among the waiters."
An Nulaaɗo, maakan ɓe : awa habbitee maayde am ! Min kadi miɗo habbitii nde lepte ɗen yanata e mon, sabu ko fennuɗo lam kon.
52:32Page 525
أَمۡ تَأۡمُرُهُمۡ أَحۡلَٰمُهُم بِهَٰذَآۚ أَمۡ هُمۡ قَوۡمٞ طَاغُونَ ٣٢
Or do their minds1 command them to [say] this, or are they a transgressing people?
Kaa ko haqqille maɓɓe ɗen yamiri ɓe wi'ugol : ko o ndureejo e feetuɗo? Ɓe hawtita ko hawtitaa e neɗɗo. Si ko woni, ɓee yimɓe yawtuɓe tun keeri. Ɓe ruttotaako e sari'a wanaa e haqqil.
52:33Page 525
أَمۡ يَقُولُونَ تَقَوَّلَهُۥۚ بَل لَّا يُؤۡمِنُونَ ٣٣
Or do they say, "He has made it up"? Rather, they do not believe.
Kaa ɓe wi'ay wonnde : Muhammadu tafu nde Alqur'aanaare, huunde wahayinaaka e makko? Oo'owoye... Si ko woni, ɓee ko townitaniiɓe gomɗingol nde, waɗi si ɓe wiide o sincu nde.
52:34Page 525
فَلۡيَأۡتُواْ بِحَدِيثٖ مِّثۡلِهِۦٓ إِن كَانُواْ صَٰدِقِينَ ٣٤
Then let them produce a statement like it, if they should be truthful.
Awa yo ɓe addii yewtere goo sugu mayre, hay si ko fefindaande, si wonii ko e goonga ɓe woni, wiide ko nde tafaande.
52:35Page 525
أَمۡ خُلِقُواْ مِنۡ غَيۡرِ شَيۡءٍ أَمۡ هُمُ ٱلۡخَٰلِقُونَ ٣٥
Or were they created by nothing, or were they the creators [of themselves]?
Kaa ɓe tagira ɓaawo tagoowo? Kaa ko kamɓe woni taguɓe ko'e maɓɓe? Pellet, huunde tagaaka ɓaawo taguɗo nde, ko tagaa kadi tagataa. Ko haɗi ɓe rewa taguɗo ɓe on kisan?
52:36Page 525
أَمۡ خَلَقُواْ ٱلسَّمَٰوَٰتِ وَٱلۡأَرۡضَۚ بَل لَّا يُوقِنُونَ ٣٦
Or did they create the heavens and the earth? Rather, they are not certain.
Kaa ko kamɓe tagi kammuuli ɗin e leydi ndin? Ko woni goonga, ɓee yananaaka wonnde ko Allah tagi ɓe. Tawde si ɓe yanananoo ɗum, ɓe wootinɗinanyno Mo, ɓe gomɗina Nulaaɗo Makko on.
52:37Page 525
أَمۡ عِندَهُمۡ خَزَآئِنُ رَبِّكَ أَمۡ هُمُ ٱلۡمُصَۜيۡطِرُونَ ٣٧
Or have they the depositories [containing the provision] of your Lord? Or are they the controllers [of them]?
Kaa ɓe jogiti ngaluuji arsike Joomi maa ɗin, sakko ɓe salanoo ɗi mo ɓe yiɗanaa? Maa Annabaaku ngun, sakko ɓe yeɗa ngun mo ɓe yiɗani, ɓe salanoo ngu mo ɓe yiɗanaa? Kaa ko kamɓe woni huɓindiiɓe e piiji ɗin, hara ɓe hiɓe gerdira ɗi no ɓe haajiri?
52:38Page 525
أَمۡ لَهُمۡ سُلَّمٞ يَسۡتَمِعُونَ فِيهِۖ فَلۡيَأۡتِ مُسۡتَمِعُهُم بِسُلۡطَٰنٖ مُّبِينٍ ٣٨
Or have they a stairway [into the heaven] upon which they listen? Then let their listener produce a clear authority [i.e., proof].
Kaa ɓe jogiti ƴawirgal ka kammu, ngal ɓe heɗitorta wayahu Allah wi'oowo ɓe ko e goonga ɓe woni? Awa yo heɗitiiɗo on e maɓɓe addu on wahayu, wonndude e hujja ɓannguɗo, goonginoowo ko nodditorɗon kon, wonnde ko e goonga wonɗon.
Kaa hara ko ɓiɗɓe rewɓe ɓe añanɗon ko'e mon ɓen, woodanta seniiɗo On toowuɗo On, onon kan woodanii on ɓiɗɓe worɓe ɓen?
52:40Page 525
أَمۡ تَسۡـَٔلُهُمۡ أَجۡرٗا فَهُم مِّن مَّغۡرَمٖ مُّثۡقَلُونَ ٤٠
Or do you, [O Muḥammad], ask of them a payment, so they are by debt burdened down?
Kaa a lamndi ɓe njoɓdi, an Nulaaɗo, e ko yottinirtaa kon e maɓɓe, immorde ka Joomi maa? Hara non ɗum wontanay ɓe donŋgal ngal ɓe townataa?
52:41Page 525
أَمۡ عِندَهُمُ ٱلۡغَيۡبُ فَهُمۡ يَكۡتُبُونَ ٤١
Or have they [knowledge of] the unseen, so they write [it] down?
Kaa ɓe anndu fii wirniiɗi ɗin, haa hiɓe winndana yimɓe ɓen, ko ɓe ƴellitii e majji, ɓe humpita ɓe kala ko ɓen faalaa e mun?
52:42Page 525
أَمۡ يُرِيدُونَ كَيۡدٗاۖ فَٱلَّذِينَ كَفَرُواْ هُمُ ٱلۡمَكِيدُونَ ٤٢
Or do they intend a plan? But those who disbelieve - they are the object of a plan.
Kaa ɓee fennuɓe faala fewjannde ma an e diina maa kan? Awa hoolo Allah. Tawde ɓen yedduɓe Allah e Nulaaɗo Makko on, ko kamɓe woni fooleteeɓe pewje ɓen, wanaa an.
52:43Page 525
أَمۡ لَهُمۡ إِلَٰهٌ غَيۡرُ ٱللَّهِۚ سُبۡحَٰنَ ٱللَّهِ عَمَّا يُشۡرِكُونَ ٤٣
Or have they a deity other than Allāh? Exalted is Allāh above whatever they associate with Him.
Kaa hiɓe mari reweteeɗo goo e goonga, ko wanaa Allah? Allah senike O laaɓii e kon ko ɓe dammbata e Makko, immorde e sirku ! Kala ko yawti kon, wanaa non woniri, jaɓirtaake non kadi !
52:44Page 525
وَإِن يَرَوۡاْ كِسۡفٗا مِّنَ ٱلسَّمَآءِ سَاقِطٗا يَقُولُواْ سَحَابٞ مَّرۡكُومٞ ٤٤
And if they were to see a fragment from the sky falling,1 they would say, "[It is merely] clouds heaped up."
Si ɓe yi'ii taƴatine iwrunde ka kammu no yani, ɓe wi'a : ko duule fawondiri ɗoo, wano woowiri non. Ɓe ronka tasakaade maa ɓe gomɗina.
52:45Page 525
فَذَرۡهُمۡ حَتَّىٰ يُلَٰقُواْ يَوۡمَهُمُ ٱلَّذِي فِيهِ يُصۡعَقُونَ ٤٥
So leave them until they meet their Day in which they will be struck insensible -
Nulaaɗo, accuɓe e sattere feere maɓɓe e yeddugol maɓɓe, haa ɓe hawroya e ñalaande maɓɓe nde ɓe leptoytee e mun. Woni Ñalnde Darngal.
52:46Page 525
يَوۡمَ لَا يُغۡنِي عَنۡهُمۡ كَيۡدُهُمۡ شَيۡـٔٗا وَلَا هُمۡ يُنصَرُونَ ٤٦
The Day their plan will not avail them at all, nor will they be helped.
Ñalnde nde pewje maɓɓe ɗen duncanoytaa ɓe hay huunde, ɗuuɗi fanɗi, wanaa kadi ɓe faaboroyteeɓe daɗndeede lepte.
52:47Page 525
وَإِنَّ لِلَّذِينَ ظَلَمُواْ عَذَابٗا دُونَ ذَٰلِكَ وَلَٰكِنَّ أَكۡثَرَهُمۡ لَا يَعۡلَمُونَ ٤٧
And indeed, for those who have wronged is a punishment1 before that, but most of them do not know.
Ko pellet, hino woodani tooñirɓe ko'e mun ɓen sirku e geddi, lepte adiiɗe lepte laakara ɗen: ɗen woni wareede e daheede, ka genaale kadi ɓe leptee. Kono ko ɓuri ɗuuɗude ko e maɓɓe, ɓe anndaa ɗum. Ko ɗum waɗi si ɓe ñiiɓa e keeferaaku maɓɓe.
52:48Page 525
وَٱصۡبِرۡ لِحُكۡمِ رَبِّكَ فَإِنَّكَ بِأَعۡيُنِنَاۖ وَسَبِّحۡ بِحَمۡدِ رَبِّكَ حِينَ تَقُومُ ٤٨
And be patient, [O Muḥammad], for the decision of your Lord, for indeed, you are in Our eyes [i.e., sight]. And exalt [Allāh] with praise of your Lord when you arise
An Nulaaɗo, muñño ñaawoore Joomi maa nden, e ñenƴal sari'a Makko on. Tawde pellet, hiɗa e ndenka Amen. Seninaa Joomi maa, tuma ɓaŋotoɗaa e ɗoyngol maa.
52:49Page 525
وَمِنَ ٱلَّيۡلِ فَسَبِّحۡهُ وَإِدۡبَٰرَ ٱلنُّجُومِ ٤٩
And in a part of the night exalt Him and after [the setting of] the stars.
Jemma on kadi, subbunhinanoɗaa Joomi maa, Juulanaa Mo, juulaa subaka on, tuma ka koode ɗen mutirta ɗon feeɗugol ñallal ngal.
Text: Quranic Universal Library (Tarteel), via spa5k/tafsir_api (MIT), at a fixed version. The ayahs: Quran Foundation. Sources and licences