Al-Mukhtasar · Tafsir · in Kyrgyz
التكوير
At-Takwir
The Overthrowing · Meccan · 29 ayahs
Күндүн бөлүкчөлөрү жуурулушуп, анын нуру өчкөндө.
Жылдыздар күбүлүп, жарыктары кеткенде.
Тоолор өз ордунан кыймылга келгенде.
Ээлери атаандашкан бооз төөлөр ээси жок кароосуз калганда.
Жапайы айбанаттар адамзат менен кошо бир жерге топтолуп калганда.
Деңиздер от болуп жанганда.
Жандар өзүнө окшогондор менен биригип, бузуку бузуку менен, такыба такыба менен бирге болгондо.
Аллах тирүүлөй көмүлгөн наристе кыздардан сураганда.
Сени өлтүргөн адам кайсы күнөөң үчүн өлтүрдү деп.
Пенделердин ар бири өзүнүн амал баракчасын окуш үчүн аларга амал баракчалары таркатылганда.
Асман койдун териси сыйрылган сыяктуу сыйрылганда.
Тозок жандырылганда.
Бейиш такыбаларга жакындатылганда.
81:14Page 586
عَلِمَتۡ نَفۡسٞ مَّآ أَحۡضَرَتۡ ١٤
A soul will [then] know what it has brought [with it].1
Ушулар болгон кезде ар бир жан бул күнгө кандай иш-аракеттерди даярдаганын билет.
Аллах түндөсү жаркыраганга чейинки жашыруун жылдыздар менен ант берди.
Алар өз орбитасында жүрүшөт, таң агарганда антилопа бадалдарга жашынган сыяктуу көрүнбөй калышат.
Жана кирип келген түндүн башталышы жана кетип бараткан түндүн акыры менен ант берди.
Ошондой эле нурун чачкан таң менен ант берди.
81:19Page 586
إِنَّهُۥ لَقَوۡلُ رَسُولٖ كَرِيمٖ ١٩
[That] indeed, it [i.e., the Qur’ān] is a word [conveyed by] a noble messenger [i.e., Gabriel]
Чындыгында Мухаммадга түшкөн Куран – Аллахтын сөзү. Аны ага Аллах аманат кылган чынчыл периште Жебреил жеткирген.
81:20Page 586
ذِي قُوَّةٍ عِندَ ذِي ٱلۡعَرۡشِ مَكِينٖ ٢٠
[Who is] possessed of power and with the Owner of the Throne, secure [in position],
Ал Арштын Раббисинин алдында улуу даражага ээ болгон кубаттуулук ээси.
Асмандагылар ага баш ийишет жана ал вахийди жеткирүүгө ишенимдүү.
81:22Page 586
وَمَا صَاحِبُكُم بِمَجۡنُونٖ ٢٢
And your companion [i.e., Prophet Muḥammad (ﷺ) ] is not [at all] mad.1
Силер менен бирге жүргөн, силер анын акылдуулугун, аманаткөйлүгүн жана чынчылдыгын билген Мухаммад, силер жалаа жапкандай жинди эмес.
81:23Page 586
وَلَقَدۡ رَءَاهُ بِٱلۡأُفُقِ ٱلۡمُبِينِ ٢٣
And he has already seen him [i.e., Gabriel] in the clear horizon.1
Ал досуңар Жебреилди асман мейкиндигинде өз жаратылган келбетинде ачык көрдү.
81:24Page 586
وَمَا هُوَ عَلَى ٱلۡغَيۡبِ بِضَنِينٖ ٢٤
And he [i.e., Muḥammad (ﷺ)] is not a withholder of [knowledge of] the unseen.1
Ал досуңар силерге жеткир деп буйрулган нерсени жеткирүүдө сараң эмес жана ал көзү ачыктарга окшоп акы да албайт.
81:25Page 586
وَمَا هُوَ بِقَوۡلِ شَيۡطَٰنٖ رَّجِيمٖ ٢٥
And it [i.e., the Qur’ān] is not the word of a devil, expelled [from the heavens].
Жана бул Куран Аллахтын ырайымынан куулган шайтандын сөзү эмес.
Бул далилдерден кийин анын Аллахтан экенин четке кагуу үчүн дагы кандай жолдорго барасыңар?
Куран жиндер менен адамзат үчүн эскертме жана насыйкат.
81:28Page 586
لِمَن شَآءَ مِنكُمۡ أَن يَسۡتَقِيمَ ٢٨
For whoever wills among you to take a right course.
Араңарда акыйкат жолго түшүүнү каалагандар үчүн.
81:29Page 586
وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ ٢٩
And you do not will except that Allāh wills - Lord of the worlds.
Бүткүл макулуктардын Раббиси силерге туура жолду же башка нерсени каалаганда гана силер ошону каалайсыңар.
Text: Quranic Universal Library (Tarteel), via spa5k/tafsir_api (MIT), at a fixed version. The ayahs: Quran Foundation. Sources and licences